قومی اسمبلی اچ توھین پارلیمنٹ بل ٢٠٢٣ منظور
قسمی اسمبلی اچ توھین پارلیمنٹ بل ٢٠٢٣ منظور کر گھیدا ، اسپیکر راجا پرویز اشرف دی زیر صدارت قومی اسمبلی دا اجلاس تھئیا تاں رانا قاسم نون نے توھین پارلیمنٹ بل ٢٠٢٣ اچ منظوری پاروں پیش کیتا۔
قومی اسمبلی میں توہین پارلیمنٹ بل 2023 کثرت رائے سے منظور ۔
بل رکن قومی اسمبلی رانا محمد قاسم نون نے پیش کیا۔#NASession pic.twitter.com/wqbjWEnsIr
— National Assembly 🇵🇰 (@NAofPakistan) May 16, 2023
بل دے حوالے نال گالھ مہاڑ کریندے ہووے وفاقی وزیر تعلیم رانا تنویر آکھیا کہ توھین پارلیمنٹ بل بہوں اہم قانون سازی ھ جیندے پاروں میں رانا قاسم نون کوں خراج تحسین پیش کریندا ھاں ، ایندی کافی عرصے توں لوڑ ھائی سرکاری افسران تاں ارکان دے فون وی نی سنڑدے، ایں ایوان دی تقریر قائم رھاونڑی چاھیدی ھ ، چیئرمین قائم کمیٹی قواعد و ضوابط رانا قاسم نون آکھیا کہ توھین پارلیمان دا بل بہوںاہم ھِ آئندہ کہیں ایں گھر دی توھین کیتی تاں او سزا دا مرتکب ہوسی اساں چار سال توں ایں بل تے کم کریندے پئے ھیں ، قائمہ کمیٹی دے اراکین تے دیگر ھاوس دے اراکین نے بھر پور ساتھ ڈیتا ۔ انہاں آکھیا جو تحقیر مجلس شوری بل منظور تھئیا اے پارلیمان دی رٹ ودھسی، اج دے بعد پارلیمن دی عزت کرنا ہوسی ایں ایوان دے اندر تے باہر ارکان تے ایوان دی توھین کیتی ویندی رھی ھِ اللہ دے ناواں دے تلے کھڑے تھئے تے ایں ایوان اچ توھین کیتی گئی ۔ بعد از اسپکر قومی اسمبلی راجا پرویز اشرف نے بل دی یکے بعد دیگرے تمام شقاں دی ایوان توں منظوری حاصل کیتی ۔ بل اچ وفاقی وزیر تجارت سید نوید قمر نے ترمیم پیش کیتی جیکوں بل اچ شامل کر گھیدا گئیا بعد ازاں قومی اسمبلی نے بل دی منطوری ڈے ڈیتی خیال رھاوے کہ توھین پارلیمنٹ بل قائم کمیٹی توں مسودے دی منظوری دے بعد قومی اسمبلی اچ پیش کیتا گئیا ھا۔
