سیاسی بحران تے گالھ مہاڑ پاروں پی ٹی آئی نے ٣ رکنی کمیٹی بنڑاں ڈیتی
جماعت اسلامی دے امیر سراج الحق دی طرفوں حکومت تے اپوزیشن کوں نیڑے گھن آوݨ پاروں اتفاق رائے دی کوششاں شروع کرݨ دے ھک روز بعد پاکستان تحریک انصاف نے ملک اچ جاری سیاسی بحران تے گالھ مہاڑ پاروں ٣ رکنی کمیٹی تشکیل ڈے ڈیتی
ایں من اچ جاری بیان دے مطابق پی ٹی ئی رہنما پرویز خٹک، اعجاز چوھدری تے میاں محمود الرشید جماعت اسلامی نال مذاکرات کریسن۔ اے پیش رفت جماعت اسلامی دے سربراہ دی پی ٹی آئی دے چیئرمین عمران خان تے وزیر اعظم شہباز شریف نال لاہور توں انہاں دی رھائش گاہواں تے علیحدہ علیحدہ ملاقاتاں دے بعد سامنڑیں آئی۔
موجودہ سیاسی بحران سے نکلنے کے لئے کل چئیرمین عمران خان اور سراج الحق صاحب کی ملاقات کے بعد جماعت اسلامی سے مذاکرات کے لئے تحریک انصاف کی 3 رکنی کمیٹی تشکیل دے دی گئی ہے۔ pic.twitter.com/S04cYCGBVS
— PTI (@PTIofficial) April 16, 2023
ملاقاتاں دے دوران سراج الحق نے تجویز پیش کیتی ھائی کہ پنجاب ، خیبرپختونخاو تے بالآخر پورے ملک اچ انتخابات دے انعقاد پاروں وسیع تر اتفاق رائے پیدا کرݨ کیتے ھک کمیٹی قائم کیتی ونجے۔ وزیر اعظم شہباز شریف تے عمران خان ڈونہاں نے امیر جماعت اسلامی دی کوششاں کوں چنگا آکھا تے انہاں کوں مکمل تعاون دا یقین ڈیوایا ، نال ھی ایں گالھ تے اتفاق کیتا کہ انتخابات ملک کوں موجودہ معاشی ، سیاسی تے آئینی بحراناں توں باہر کڈھݨ دا رستہ ھن۔
جماعت اسلامی دے ذرائع نے اخبار کوں ڈسایا کہ تمام جماعتاں کوں مذاکرات دی میز تے گھن آوݨ دی کوشش دے طور تے سراج الحق نے عید دے بعد پیپلز پارٹی دے رہنما آصف زرداری نال ملاقات دا وی منصوبہ بنڑایا ھِ تے آئندہ ڈو ہفتیاں اچ ھک پیش رفت دی توقع ھِ
رواں ہفتے دے اوائل اچ سابق صدر تے پیپلز پارٹی دے رہنما آصف علی زرداری نے وی تمام سیاسی جماعتاں کوں ھک نال بھاوݨ دے انتخابات پاروں ھک ھی تاریخ تے اتفاق رائے پیدا کرن دا مشورہ ڈیتا ھا ۔ ایں مقصد پاروں پیپلزپارٹی دے سینیٹر یوسف رضا گیلانی ، وفاقی وزیر تجارت سید نوید قمر تے وزیر اعظم دے مشیر برائے کشمیر و گلگت بلتستان قمر زمان کائرہ تے مشتمل ٣ رکنی کمیٹی وی تشکیل ڈیتی ھائی تاکہ حکومت اچ شامل اتحادیاں کوں پی ٹی آئی دے نال مذاکاراتی عمل شروع کرݨ تے آمادہ کیتا ونج سکدے۔
