سولہویں قومی اسمبلی دے افتتاحی اجلاس سانڳے نویں پریس گیلری کارڈز جاری کیتے ویسن
اسلام آباد۔24فروری (اے پی پی) 16ویں قومی اسمبلی دے افتتاحی اجلاس ، سپیکر تے ڈپٹی سپیکر اتے قائد ایوان دے انتخابات سانڳے تھیوݨ آلے اجلاس سانڳے میڈیا دے نمائندیں سانڳے نویں پریس گیلری کارڈ جاری کیتے ویسن ۔قومی اسمبلی سیکرٹریٹ میڈیا ونگ توں جاری اعلامیہ موجب پریس گیلری سانڳے جاری کیتے ڳعے پراݨے تے نویں کارڈ منسوخ تھی چکئن ،لہٰذا پراݨے کارڈ تے پارلیمنٹ ہاؤس اچ داخلے دی اجازت نہ ہوسی ۔ میڈیا دے نمائندیں کوں آکھیا ڳئے جو او پریس انفارمیشن ڈیپارٹمنٹ توں آپݨے نویں کارڈ جاری کرݨ سانڳے رابطہ کرن ۔ پریس گیلری اچ صرف نویں کارڈ دے حامل میڈیا دے نمائندیں کوں داخلے دی اجازت ہو سی۔پریس گیلری اچ محدود نشستاں موجود ہن لہذا کہیں بد نظمی توں بچݨ تے سیکورٹی ایشوز دے پیش نظر پریس گیلری اچ موجود نشستاں دے مطابق کارڈ جاری کیتے ویسن ۔
