سانحہ مستونگ کوں قومی میڈیا نے مکمل طور تے نظر انداز کیتے

کوئٹہ (سرائیکی نیوز۔ احمد ظہیر) بلوچستان دے ضلع مستونگ ءچ گزرن ڈینھ بلوچستان عوامی پارٹی بی اے پی دے انتخابی قافلے ءچ تھیون والے دھماکے ءچ ١٢٩ بندے جاں بحق تھئے جیتھاں مک بھر ءچ سوگ دی فضاء برقرار ھِ اوتھیں سیاست دان ، فنکار تے عام بندے وی غم ءچ نڈھال ھن، سانحہ مستونگ تے تے جیتھاں سیاست داناں تے شوبز انڈسٹری سمیت دیگر شخصیات وی ݙوکھ دا اظہار کیتا ، اتھاں کئی شخصیات نے دہشت گردی دے واقعے تے سوشل میڈیا تے غم و غصے دے بیانات وی ݙیتے۔ پاکستان پیپلز پارٹی (پی پی پی ) دے چیئرمین بلاول بھوٹو زرداری دی وڈی بھینڑ تے آصف علی زرداری دی وݙی صاحبزادی بختاور بھٹو جو ٹوئٹر تے متحرک رھاندی ھن انہاں وی سانحہ مستونگ تے اپنڑیں غم و غصے دا اظہار کیتا۔ بتاور بھٹو نے اپنڑیں ھک ٹوئیٹ ءچ آکھیا کہ مستونگ ءچ ١١١ بندے جاں بحق تھئے لیکن کوئی قعمی افسوس نظر نی آندا پیا ، دیگر ممالک ءچ اپنڑیں شہریاں دے ایں طرح دے جانی ضیاع تے ایں طرح دا رویہ نظر نی آندا۔ نا ھی انہاں اے لکھیا کہ اے بالکل شرمناک گالھ ھِ کہ بنوں تے پشاور ءچ وہ ہشت گردی دے واقعات تھئےھن انہاں نے ھک سوال کیتے کہ سیکیورٹی دی ذمہ داری کیندی ھِ کون اے ذمہ داریاں گھنسی تے اساں دہشت گردی دے خلاف جنگ ءچ کیتھاں کھڑے ھیں سابق کرکٹر شاھد آفریدی نے وی سانحہ تے ڈکھ دا اظہار کریندے ہووے آکھیا کہ بلوچسان ءچ اے ھک بزدلانہ حملہ ھِ جیندی جیتنی مزمت کیتی ونجے گھٹ ھِ انہاں لواحقین کیتے صبر دی دعا وی کیتی ۔ انہاں نے پاکستانی میڈیا تے طنز کریندے ہووے لکھا کہ دہشت گرداں نے ١٠٠ توں ودھ پاکستانیاں کوں شہید کیتے لیکن اساں نواز تے مریم دے جہاز دی لینڈنگ دی زیادہ فکر کیتی ۔ پاک کرکٹ ٹیم دے سابق کپتان محمد حفیظ نے وی سانحہ مستونگ تے ٹوئیٹ کریندے ہوئے اظہار افسوس کیتا۔ خیال رھاوے کہ ١٣ جولائی کوں مستونگ ءچ تھیون والے بم دھماکے ءچ گھٹ توں گھٹ ١٢٨ بندے جاں بحق تے ٢٠٠ توں ودھ زمی تھئے ھن جاں بحق بندیاں دی تدفین دا سلسلہ ١٤ جولائی تک جاری رہے جبکہ صوبے بھر ءچ سوگ منایا گئیا علاوہ ازیں دہشت گردی دے واقعے دی صدر مملکت ، نگران وزیر اعظم ، آرمی چیف ، چیف جسٹس تے تمام سیاسی رہنماواں نے وی مزمت کیتی۔