سابق مشیر شہزاد اکبر ، تے دیگر دیخلاف فوجداری مقدمہ درج

اسلام آباد پولیس نے سابق وزیر اعظم عمران خان دے سابق مشیر داخلہ تے اتحساب مرزا شہزاد اکبر تے وفاقی تحقیقاتی ایجنسی ایف آئی اے دے افسران سمیت دیگر افراد دیخلاف مختلف مقدمات درج کر گھیدے۔

اخبار اچ شائع رپورٹ دے مطابق وفاقی پولیس نے ھ کاروباری شخصیت دے دبئی دے رھائشی عمر فاروق ظہور دی شکایت تے سابق مشیر داخلہ تے احتساب شہزاد اکبر ، ایف آئی اے افسر مردان علی شاہ ، خوش بخت ، مریم مرزا ، مائرہ خرم تے عمید بٹ دے خلاف پاکستان پینل کوڈ پی پی سی دے سیکشن ، ٤٢٠، ٤٦٨، ٤٧١، ٣٨٥، ٣٩٦، ٣٨٩، ٥٠٠ تے ٥٠٦ دے تحت مقدمات درج ۔خیال رھاونے کہ عمر فاروق ظہور او شخصیت ھن جنہاں اعتراف کیتا ھا کہ سابق وزیر اعظم عمران خان نے توشہ خانہ دی قیمتی گھڑی انہاں وکں ویچی ھائی

ایف آئی آر دے مطابق ایف آئی اے دے کارپوریٹ کرائم سرکل لاہور نے درخواست گزار دی سابق اھلیہ خوش بخت مرزا دی طرفوں جمع کرائی گئی رپورٹ دی بنیاد تے انوائری شروع کیتی ھائی ۔ انکوائری دے نتیجے اچ پنجھ اکتوبر ٢٠٢٠ تے ١٠ اکتوبر ٢٠٢٠ کوں ڈو ایف آئی آر درج کیتی گئی ھائی۔ ایف آئی اے حکام نے سابق وزیر اعظم نے ایں ویلے مشیر برائے احتساب شہزاد اکبر دے آکھݨ تے کوڑا مقدمہ درج کیتا ھا جنہاں مبینہ طور تے مذکورہ تمام ملزمان دی موجودگی اچ اپنڑیں دفتر اچ جعلی دستاویزات تیار کیتے ھن سابق مشیر نے ایں حقیقت کوں لوکیندے وہوے کابینہ توں منظوری حاصل کیتی ھائی کہ سوئزر لینڈ تے ناروے اچ مقدمات پہل ھی بند تھئی چکے ھن۔ ایف آئی آر اچ آکھا گئیا ھِ کہ مکمل تحقیقات دے بعد مشترکہ تحقیقاتی ٹیم ے آئی ٹی نے اے نتیجہ اخذ کیتا ھا کہ ایف آئی آر اچ لاوݨ دے الزامات جھوٹے ، بے بنیاد تے جعلی دستاویزات تے مبنی ھن تاہم ایندے نتیجے اچ جے آئی ٹی نے ڈونہاں ایف آئی آرز دی منسوخی دی رپورٹ عدالت اچ پیش کیتی گئی ھائی۔