لاہور(سرائیکی نیوز۔آن لائن) رمضان شوگر ملاں تے آمدن توں زائد اثاثہ جات کیس ءچ گرفتار حمزہ شہباز کوں اج احتساب عدالت ءچ پیس کیتا ویسی۔ واضح رھاوے کہ گزرن ݙینھوار ہائی کورٹ توں ضمانت دی درخواستاں مسترد تھیوݨ تے نیب نے حمزہ شہباز کوں گرفتار کر گھیدا ھا ، نیب دی ٹیم مسلم لیگ ن دے رہنما تے اپوزیشن لیڈر پنجاب حمزہ شہباز کوں اج عدالت ءچ پیش کریسی ، نیب دی طرفوں قائد حزب اختلاف دے جسمانی ریمانڈ دی استدعا کیتی ویسی، نیب دے پراسیکیوٹر حمزہ شہباز دے جسمانی ریمانڈ تے دلائل ݙیسن، جبکہ حمزہ شہباز دے وکیل وی دلائل ݙیسن، ایں موقع تے سیکیورٹی دے سخت انتظامات کیتے گئے ھن تے احتساب عدالت ءچ آوݨ والے تمام رستیاں کوں کنٹرینر لا تے بند کر ݙیتا گئیا ھِ جبکہ پولیس تے رینجرز دے دستے وی عدالت دے باہر تعینات کر ݙیتے گئے ھن
