حالیہ ملکی صورتحال تے شاھد آفریدی نے خاموشی توڑ ڈیتی
پاکستان کرکٹ ٹیم دے سابق کپتان شاھد آفریدی نے ملک دی حالیہ صورتحال تے گالھ مہاڑ کریندے ہووے آکھیا کہ ہر ادارہ جئیں ویلے اپنڑیں دائرہ اختیار اچ رہ تے کم کریسی تاں بہوں ساری چیزاں آسان تھئی ویسن۔
واضح رھاوے کہ ٩ مئی کوں سابق وزیر اعظم تے پاکستان تحریک انصاف دے چیئرمین عمران خان دی گرفتاری دے بعد ملک بھر اچ پرتشدد واقعات، توڑ پھوڑ، جلاو گھیراو تھیا ، مظاہرین نے جناح ھاوس سمیت کئی فوجی تنصیبات تے وی حملہ کیتا، جئیں دے بعد قانون نافذ کرݨ والے اداریاں نے کارروائی کریندے ہووے سیکڑیاں افراد کوں گرفتارکیتا۔
ایں حوالے نال کئی شوبز تے اپسورٹس شخصیات نے اپنڑیں رد عمل دا اظہار سوشل میڈیا پلیٹ فارمز دے ذریعے ڈیتا ، تاہم شاہد آفریدی نے ایں تمام صورتحال تے خاموشی اختیار کیتی۔
واضح رھاوے ایں توں پہل شاھد آفریدی اکثر ملکی صوتحال تے اپنڑیں رائے ڈیندے ہووے ڈکھائی ڈیندے ھن تاہم ٩ مئی کوں عمران خان دی گرفتاری دے بعد پر تشدد واقعات تے سابق کپتان دا کوئی رد عمل نی آیا۔
