جج دے استعفیٰ بارے سپریم جوڈیشل کونسل دی کارروائی نہ رکسی، سپریم کورٹ دا فیصلہ

اسلام آباد۔21فروری(اے پی پی)سپریم کورٹ ریٹائرڈ یا مستعفی ججز دے خلاف سپریم جوڈیشل کونسل دی کارروائی جاری رکھݨ یا نا رکھݨ بارے فیصلہ سݨا ݙتے۔ سپریم کورٹ مختصر فیصلے اچ آکھیے جو جج دے استعفیٰ ݙیوݨ نال سپریم جوڈیشل کونسل دی کارروائی نہ رکسی، مستعفی جج دے خلاف کارروائی جاری رکھݨ جوڈیشل کونسل دا اختیار ہوسی۔ سپریم کورٹ محفوظ شدہ فیصلہ 4-1 دے تناسب نال سݨائے۔ جسٹس حسن اظہر رضوی اکثریتی فیصلہ دی مخالفت کیتی۔ فیصلے اچ سپریم کورٹ آف پاکستان آکھیے جو وفاقی حکومت دی اپیل جزوی طور تے منظور کیتی ویندی اے۔