تخت رائیونݙ دا خاتمہ، پنجاٻ ڊا وزیر اعلیٰ اساݙا ہوسی، آصف زرڊاری

گڑھی خدا بخش (سرائیکی نیوز۔ عمران سہو) بانی پیپلز پارٹی ذوالفقار علی بھٹو دی 39 ویں برسی دے موقع تے جلسے نال خطاب کریندے ہووے آصف علی زرداری نے آکھیا ھِ کہ ھن چاھے کجھ وی تھیووے نواز شریف نال جنگ رھاسی ، اساں کہیں نال وی مل تے پنجاب اچ حکومت بنڑوں لیکن ن لیگ دے نال نا بنڑیسوں۔ سابق صدر نے مزید آکھیا کہ ھن نواز شریف نال ایں ویلے گالھ تھیسی جئیں ویلے او ختم تھئی چکے ہوسن تے پیپلز پارٹی بہوں جلد پنجاب تخت رائیونڈ کوں ختم کر ݙیسی تے ن لیگ کوں وزارت اعلی وی نا گھن ݙیسی ۔ ایں توں قبل پاکستان پیپلز پارٹی کوں سابق صدر آصف زرداری نے آکھیا کہ شہید بھٹو دے فلسفہ تے چلن دا عہد کریندے ھیں بھٹو نے متفقہ آئین ݙیتا، ١٨ ویں ترمیم وی متفقہ طور منظور تھئی پاکستان پیپلز پارٹی کوں سابق صدر آصف زرداری نے اپنڑیں بیان اچ آکھیا کہ جمہوریت تے صوبائی خود مختیاری کیتے پر عزم ھیں انہاں نے آکھیا کہ تبدیلی صرف ووٹ دے ذریعے آونڑی چاھیدی ھِ گولی نال نی ، شہید بھٹو امید دا مینار نور رھاسن۔ سابق صدر آصف علی زرداری آکھیندے ھن شہید بھٹو نے متفقہ آئین ݙیتا ١٨ ویں ترمیم وی متفقہ طور تے منور تھئی ، اج اساں شہید بھٹو دے فلسفہ تے چلن دا عہد کریندے ھیں انہاں شہیداں کوں سلام جنہاں نے جمہوریت کیتے اپنڑیاں جاناں دے نذرانے ݙیتے ، جمہوریت ، شہری آزادیاں تے صوبائی خود مختیاری کیتے پر عزم ھن