لاہور ہائی کورٹ نے پاکستان تحریک انصاف پی ٹی آئی دے ٧٢ ارکان قومی اسمبلی دےا ستعفاں دی منظوری دا نوٹی فکیشن کالعدم قرار ڈے ڈیتا۔ لاہور ھائی کورٹ دے جسٹس شاھد کریم نے ریاض فتیانہ سمیت پی ٹی آئی دے ٧٢ سابق اراکین قومی اسمبلی دے استعفیاں دی منظوری دے خلاف درخواستاں تے فیصلہ سنڑاں ڈیتا۔ لاہور ھائی کورٹ نے اسپیکر تے الیکشن کمیشن دی طرفوں استعفیاں دی منظوری دے نوٹی فکیشن کوں کالعدم قرار ڈے ڈیتا۔ عدالت نے اراکین کوں استعفے واپس گھنݨ پاروں اسپیکر دے سامنڑیں پیش تھیوݨ دی ھدایت کر ڈیتی جبکہ اسپیکر قومی اسمبلی کوں وی تمام اراکین کوں دبارہ سݨ تے فیصلہ کرݨ دی ھدایت
لاہور ھائی کورٹ نے پی ٹی آئی رہنما فواد چوہدری، حماد اظہر ، شاہ محمود قریشی ، شفقت محمود ، مجید خان نیازی ، ریاض فتیانہ تے دیگر دے استعفے منظور کرݨ دا نوٹی فکیشن کالعدم قرار ڈے ڈیتا۔ خیال رھوے کہ ڈو فوری کوں لاہور ھائی کورٹ نے تحریک انصاف دی طرفوں ٤٣ اراکین قومی اسمبلی دے استعفے منظور کرݨ دے اقدام دیخلاف دائر درخواست سماعت پاروں مقرر کیتی ھائی بعد ازان ٨ فروری کوں وی لاہور ھائی کورٹ نے پی ٹی آئی دے ٤٣ اراکین قومی اسمبلی دے استعفے منظور کرݨ دا حکم معطل کریندے ہووے متعلقہ حلقیاں اچ ضمنی انتخابات تا حکم ثانی روک ڈیتے ھن۔
تحریک انصاف دے سابق اراکین اسمبلی نے درخواست اچ سپیکر دے ٢٢ جنوری کوں الیکشن کمیشن دے ٢٥ جنوری دے نوٹی فکیشن چیلنج کیتے ھن۔
