ایڈیشنل چیف سیکرٹری ساؤتھ پنجاب دا دورہ ضلع بہاولنگر
ایڈیشنل چیف سیکرٹری ساؤتھ پنجاب دا دورہ ضلع بہاولنگر
بہاولنگر ۔جون (اے پی پی):ایڈیشنل چیف سیکرٹری ساؤتھ پنجاب کیپٹن (ر) ثاقب ظفر دا ضلع بہاولنگر دا دورہ کیتے۔جنوبی پنجاب دے سارے محکمیں دے ایڈمنسٹریٹیو سیکرٹریز وی انہاں دے رلے ہن ۔
ایڈیشنل چیف سیکرٹری ساؤتھ پنجاب بہاولنگر ضلع اچ جاری ترقیاتی منصوبیں دا معائنہ کیتے تے مراکز صحت ڈسڑکٹ ہسپتال اچ علاج معالجہ دیاں سہولتاں ݙیوݨ دا جائزہ ڳھدا ایڈیشنل چیف سیکرٹری ساؤتھ پنجاب دی صدارت اچ اجلاس ڈپٹی کمشنر آفس اچ ضلعی انتظامی افسران دا اجلاس منقعد تھیا جیں اچ کپاہ دی کاشت اتے کݨک مل گھنݨ دی مہم تے پیش رفت دا وی جائزہ ڳھدا ڳئے۔
ایں موقع تے ڈپٹی کمشنر ذوالفقار احمد بھون سارے معاملات تے بریفنگ ݙتی ۔ایڈیشنل چیف سیکرٹری ساؤتھ پنجاب کیپٹن ر ثاقب ظفر بہاولنگر مدر اینڈ چائلڈ ہسپتال دی تعمیر معینہ مدت اچ مکمل کرݨ دا حکم ݙتا ۔ اجلاس توں خطاب کریندے ہوئیں ایڈیشنل چیف سیکرٹری کیپٹن ر ثاقب ظفر آکھیے 6 ارب38 کروڑ روپے دی لاگت نال زیر تعمیر مدر اینڈ چائلڈ ہسپتال انتہائی اہمیت دا حامل منصوبہ اے۔
