امریکا ، پاک بھارت ٹی ٢٠ ورلڈ کپ میچ پرں ٹکٹاں دی مانگ اچ اضافہ
امریکا اچ انٹرنیشنل کرکٹ کونسل آئی سی سی ٹی ٹوئنٹی ورلڈ کپ دے ھائی ولٹیج پاکستان تے بھارت میچ پاروں ٹکٹاں دی مانگ اچ اضافہ
غیر ملکی خبر رساں ادارے اے ایف پی دی رپورٹ دے مطابق آئی سی سی دے مطابق نیویارک اچ پاکستان تے بھارت دے درمیان تھیوݨ والے کرکٹ میچ دی ٹکٹوں دی مانگ دستیاب ٹکٹوں دی تعداد توں 200 گنا زیادہ ھائی۔
لانگ آئی لینڈ تے ناساؤ کاؤنٹی انٹرنیشنل کرکٹ اسٹیڈیم، جیندے اچ 34 ہزار افراد دے باھاوݨ دی گنجائش ھ ، ھݨ زیر تعمیر ھ ، تاہم 9 جون کوں تھیوݨ والے میچ اچ پہل توں ھی شائقین دی وڈی تعداد دی آمد دی توقع ھ۔
ایں ٹورنامنٹ دی میزبانی ویسٹ انڈیز تے امریکا مشترکہ طور تے کریندے پئن۔
اے پہلا موقع ھوسی جو امریکا اچ کوئی بین الاقوامی ٹورنامنٹ منعقد تھیسی، ملک اچ تھیوݨ والے 16 کھیلوں اچ ڈیلاس دے نیڑے لاڈرہل، جنوبی فلوریڈا تے گرینڈ پریری اسٹیڈیم اچ میچ تھیسن۔
ٹی ٹوئنٹی ورلڈکپ یو ایس اے دے چیف ایگزیکٹو بریٹ جونز نے اے ایف پی کوں ڈسایا کہ ’ٹکٹوں دی فروخت اچ ناقابل یقین دلچسپی ظاہر کیتی گئی ھِ۔‘
انہاں مزید آکھیا کہ ہر ورلڈکپ میچ اچ پاکستان تے بھارت دا میچ بہوں زیادہ دلچسپ ھوندا ھِ ، میڈے خیال اچ ایں دونوں ممالکاں کوں امریکا اچ کھیڈدے ڈیکھݨ واقعی خوش آئند گالھ ھِ ۔’
بھارت تے پاکستان اپنڑیں تمام گروپ گیمز امریکا اچ کھیڈسن تے یقینی ھِ کہ ملک اچ رھاوِݨ والے تارکین وطن دی وڈی تعداد اچ اسٹیڈیم دا رخ کریسن۔
امریکیاں کوں روایتی طور تے کرکٹ توں زیادہ بیس بال اچ دلچسپی ہے، لیکن ملک اچ کرکٹ دا ٹی 20 فارمیٹ زیادہ توجہ دا مرکز ھ۔
میزبان ملک دے علاوہ آئرلینڈ، سری لنکا، جنوبی افریقہ، ہالینڈ، بنگلہ دیش تے کینیڈا وی امریکا اچ کھیڈسن۔
یکم جون توں ٹیکساس اچ امریکا دا مقابلہ کینیڈا نال تھیسی۔
امریکی نائب کپتان ایرون جونز نے امید ظاہر کیتی ھِ کہ ٹیم دی کارکردگی نوجوان کھلاڑیاں دے حوصلہ ودھیسی۔
انہاں آکھیا کہ اساں دنیا کوں ڈیکھاوݨ چھندے ھیں کہ امریکا وی کرکٹ دے میدان اچ بہترین کارکردگی دا مظاہرہ کر سکدا ھِ تے نوجوان کھلاڑیوں کوں متاثر کرسکدے۔’
