لاہور دی ضلع کچہری نے سابق ڈپٹی اسپیکر پنجاب اسمبلی دوست محمد مزاری کوں اراضی کیس اچ مزید دو ڈینھ دے جسمانی ریمانڈ تے محکمہ اینٹی کرپشن دے حوالے کر ڈیتا۔
محکمہ اینٹی کرپشن پنجاب نے سابق ڈپٹی اسپیکر پنجاب اسمبلی دوست محمد مزاری کوں جسمانی ریمانڈ مکمل تھیوݨ تے ضلع کچہری اچ پیس کیتا تے مزید جسمانی ریمانڈ دی استدعا کیتی ۔دوران سماعت اینٹی کرپشن نے آکھیا کہ دوست مزاری توں تفتیش جاری ھِ تے تفتیش مکمل کرݨ کیتے مزید جسمانی ریمانڈ ڈے ڈیتا ونجے
دوست محمد مزاری دے وکیل فرھاد علی شان نے جسمانی ریمانڈ دی مخالفت کریندے ہووے آکھیا کہ تمام ریکارڈ اینٹی کرپشن دے کول ھن اے کیس صرف سیاسی انتقام کیتے بنرایا گیا ھِ وکیل آکھیا کہ ہائی کورٹ نے اینٹی کرپشن دے ناٹسز معطل کر رکھے ھن قانون دی نظر اچ اینٹی کرپشن نے غیر قانونی گرفتاری کیتی ھِ انہاں آکھیا کہ اے مقدمہ خارجہ تھیونڑاں چاھیدا ھِ سرکاری وکیل دی خواھش تے جسمانی ریمانڈ نی ڈیتا ونج سکدا ، وکیل نے آکھیا کہ وزیر اعلی دے پرنسپل سیکریٹری محمد خان بھٹی کون ہوندے ھن جو اینٹی کرپشن دے کیس دی معلومات گھندے ھن اے کیس وڈا واضح ھِ کہ سیاسی بنیاد تے بنرایا گیئا ھِ انہاں آکھیا کہ دوست مزاری نے قانون دے مطابق اپنڑاں کم کیتا ھا ، تاہم عدالت نے دوست مزاری کوں مزید ڈو ڈینھ دے جسمانی ریمانڈ تے اینٹی کرپشن دے حوالے کر ڈیتا۔
