Advertisment
Advertisment
اسلام آباد

پنجاب الیکشن، ٹکٹ نا ملݨ دے باوجود پی ٹی آئی قیادت دا عمران خان تے اعتماد دا اظہار

Advertisment
Advertiesment

پاکستان تحریک انصاف دے سینئر رہنماواں فواد چوہدری ، حماد اظہر تے شہباز گل نے پنجاب اسمبلی دے الیکشن کیتے پارٹی ٹکٹ نہ ملݨ دے باوجود چیئرمین عمران خان تے اعتماد دا اطاہر کیتا ھِ ۔ سپریم کورٹ نے ١٤ مئی کوں پنجاب اسمبلی دے الیکشن کرواوݨ دا حکم ڈیتا ھا تے پی ٹی آئی نے انتخابات پاروں ایں ہفتے دے اوائل اچ ٢٩٧ امیدواراں دی فہرست کوں حتمی شکل دیتی ھائی ، پی ٹی آئی دے چیئرمین عمران خان نے پارٹی ٹکٹ ڈیوݨ دے حوالے نال میرٹ کوں برقرار رکھݨ پاروں سبھ پارٹی امیداراں نال ذاتی طور تے انٹرویو کرݨ دا فیصلہ کیتا ھا ۔

عمران خان نے پہل وی آکھا ھا کہ ٢٠١٨ اچ جئیں ٹیم کوں سونپی گئی ھائی او فرائض دی انجام دھی اچ کوتاھی کریندی پئی ھائی ایں پاروں سابق وزیر اعظم نے ٦ توں ١٨ اپریل تک نامزد امیدواراں دے انتخابا پاروں تمام امیدواراں دے نال انٹرویو کیتے۔

پی ٹی آئی دی ویب سائٹ تے جاری امیدواراں دی فہرست دے مطابق راجہ بشارت چوہدری پرویز الہی ، عمر ڈار ، ڈاکٹر یاسمین راشد، ھاشم ڈوگر ، زین قریشی تے عثمان بزدار کوں پارٹی ٹکٹ ڈیتا ھا ۔ تاہم جنہاں چند اہم رہنماواں کوں صوبائی الیکشن دے ٹکٹ ڈیتے گئے ھن اوتھاں پارٹی دے کئی سینئر رہنماواں دے ناواں تے پنجاب اچ الیکشن ٹکٹ پاروں غور نی کیتا گئیا۔

پارٹی ٹکٹ دے حوالے نال پیش رفت تے تبصرہ کریندے ہووے سابق وفاقی وزیر توانائی اظہر نے آکھیا کہ چند ڈینھ پہل میکوں خان نآھا ھا کہ میں بہوں کجھ سوچا ھِ تے ایں ویلے پاکستان دا سبھ توں وڈا چیلنج معاشی محاذ ھِ لیذا تساڈی ضرورت میکوں وفاق اچ ھِ تے اگلے ڈینھ میں تمام صوبائی حلقیاں توں اپنڑیں کاغذات نامزدگی واپس گھیدے ھن

 

انہاں آکھیا کہ اگلے ڈینھ اچ تمام صوبائی حلقیاں توں اپنڑیں کاغذات نامزدی واپس گھن گھیدے۔ ایں حوالے نال شہباز گل نے آکھا کہ فواد چوہدری ، حماد اظہر تے کجھ بئے سینیئر ممبران تے میں صوبائی اسمبلی کیتے کاغذات جمع کروائے لیکن چیئرمین خان نے اساں سبھ کوں ٹکٹ نہ ڈیوݨ دا فیصلہ کیتا

 


انہاں آکھیا کہ خان صاحب دا فیصلہ دل و جان توں قبول ھِ ، نہ ٹکٹ پاروں خان دے نال ھاں تے نہ عھدے پاروں اے نظریے دا ساتھ ھِ دریں اثناء سینئر رہنما تے سابق وزیر اطلاعات فواد چوہدری الیکشن لڑݨ پاروں پارٹی ٹکٹ نہ ملݨ تے ناراض نظر آئے ۔ خمیس دی رات اے آر وائی نیوز دے ھک پروگرام اچ کاشف عباسی نال گالھ مہاڑ کریندے ہووے فواد چوھدری آکھیا کہ جئیں ویلے تک پارٹی ٹکٹ نی ڈیتا گئیا تاں میکوں تے چند دیگر سینئر رہنماواں کوں چنگا نی لگیا۔

 


 

انہاں آکھا کہ ظاہر ھِ چنگا تاں نی لگیا ، ملنا تاں چاھیدا ھا خان صاحب آکھیندے ھن نی ملا تاں نی ملا ، کاشف عباسی نے مزید سوال کیتا کہ کیا پنجاب دے سابق وزیر اعلی بزدار کوں ٹکٹ ملے؟ انہاں دا آکھݨ ھا کہ بزدار کوں ملا ھِ ، پرویز الہی وی حاصل کر گھیدا ھِ شہباز گل کوں وی ٹکٹ نی ڈیتا گئیا ۔

Advertisment
Advertisment

Related Articles

Leave a Reply

Your email address will not be published. Required fields are marked *

Back to top button

Adblock Detected

مہربانی فرما تے اپنڑیں بروزر توں ایڈبلاک سیٹنگ توں ویب سائٹ ھٹاو تاکہ ویب سائٹ تساں تک مکمل پھج سکے