پاکستان کوں اڄ کہیں وی سیاسی ایڈونچر دی لوڑھ کائنی، وفاقی وزیر احسن اقبال
کراچی(اے پی پی)وفاقی وزیر اتے رہنما مسلم لیگ ن احسن اقبال آکھیے جو پاکستان کوں ایں ویلھے کہیں وی سیاسی ایڈونچر دی لوڑھ نئیں، پاکستان ݙیفالٹ کریسی ناں اساں تھیوݨ ݙیسوں اتے ملکی مفاد دے مطابق فیصلے کیتے ویسن۔ کراچی اچ میڈیا نال الیندے انہاں آکھیا جو اڄ ملک معاشی بحران دی ولھیٹ اچ اے، ساݙی حکومت آوݨ تؤں پہلے خزانہ خالی ھا، اساں اوکھے فیصلے کیتن اتے پاکستان دی معیشت ولا سنٻھالی اے۔ انہاں آکھیا جو ملک اچ ہک جماعت مسلسل منفی پروپیگنڈہ کریندی پئی اے، ساری ملکی قیادت کوں مل تے فیصلے کرݨے ہوسن جو معاشی چیلنجز دا سمجھداری نال مقابلہ کریڄے۔ انہاں آکھیا جو عوام حقائق ڄاݨدن جو ایں ویلھے کون اے جیڑھا ملک بچاوݨ اچ ردھا ہوئے، امید اے پنجاب اتے خیبر پختونخوا دے عوام وی کوڑ دی سیاست مسدترد کر ݙیسن۔
