پاکستان تے بیلا روس دا مختلف شعباں اچ تعاون ودھاوݨ تے اتفاق

پاکستان تے بیلا روس دا مختلف شعباں اچ تعاون ودھاوݨ تے اتفاق

اسلام آباد: اسلام آباد اچ پاکستان تے بیلا روس دے درمیان مفاہمتی یادداشتاں دے دستخط دی تقریب تھئی جیندے اچ ڈونہاں ممالک دے وزرائے خارجہ نے مفاہمتی یادداشت تے دستخط کیتے تے مختلف شعبیاں اچ تعاون تے اتفاق کیتا۔

پاکستان تے بیلا روس دے درمیان سفارتی پارسپورٹ رکھݨ والیاں پاروں ویزا توں استثنی دا معاھدہ تھئیا جیندے تحت سرکاری ، سفارتی پاسپورٹ ہولڈراں کیتے ویزے دے شرط ختم تھئی ویسی۔

مزید وزیر خارجہ بلاول بھٹو تے بیلا روس دے وزیر خارجہ نے مشترکہ پریس کانفرنس کیتی جیندے اچ بلاول بھٹو نے آکھیا کہ پاسکتان تے بیلا روس دے درمیان ڈو طرفہ تعلقات کوں فروغ ڈیتا ویسی، سفارتی پاسپورٹاں دے حامل بندیاں کوں ویزے توں استثنی دے معاھدے نال ڈونہیں ملک مستفید تھیسن۔

مشترکہ پریس کانفرنس اچ بیلا روس دے وزیر خارجہ دا آکھݨ ھا کہ بہترین مہمان نوازی پروزیر خارجہ دا شکر گزار ھاں، پاکستان دے نال معیشت سمیت مختلف شعبیاں اچ تعاون ودھاوݨ تے تبادلہ خیال کیتا گئیا۔ ڈونہاں ملکاں دے تعلقات کوں مزید مضبوط بنڑاوݨ چاھندے ھیں۔

Leave a Reply

Your email address will not be published. Required fields are marked *