ٹانک، سیکیورٹی فورس دی کارروائی دے دوران ٢ جوان شہید، ٣ دھشت گرد ھلاک

0
24

خیبر پختونخواہ دے ضلع ٹانک اچ انٹیلی جنس دی بنیاد تے کیتے گئے آپریشن دے دوران پاک فوج دے ڈو جواناں نے جام شہادت نوش کیتا جبکہ تریھ دہشت گرد مارے گئے

پاک فوج دے شعبہ تعلقات عامی آئی ایس پی آر دی طرفوں جاری بیان دے مطابق مارے گئے دہشت گرد سیکیورٹی فورساں دے نال نال معصوم شہریاں دی خلاف متدد دہشت گردانہ کارروائیاں اچ ملوث رہے۔ آئی ایس پی آر دی پریس ریلیز دے مطابق بہادری نال لڑدے ہووے جام شہادت نوش کرݨ والیاں اچ پنجاب دے ضلع چکوال نال تعلق رکھݨ والے ٣٩ سالہ نائیک محمد عتیق تے اٹک نال تعلق رکھݨ والے ٣٦ سالہ نائیک رجب علی شامل ھن ۔ آئی ایس پی آر دا آکھݨ ھا کہ علاقے اچ موجود دہشت گرداں کوݨ ختم کرݨ پاروں علاقے اچ آپریشن کیتا ویندا پیا ھِ

ترجمان پاک فوج دے مطابق پاکستان دی سیکیورٹی فورسز دہشت گردی دی لعنت کوں ختم کرݨ پاروں پر عزم ھن تے بہادر سپاہیاں دی ایہو جئی قربانیاں اساڈے عزم کوں مزید مضبوط کریندی ھِ واضح رہاوے کہ گزریل ڈینھ وی بلوچستان دے علاقے زرغون اچ سیکیورٹی فورساں دی چوکی تے دہشت گرداں دے حملے اچ تریھ جوان شہید تھئے گئے جبکہ سیکیورٹی فورساں نے جوابی کارروائی کریندے ہووے ھک دہشت گرد کوں جہنم واصل کیتا

خیال رھاوے کہ ١٣ مئی کوں بلوچستان دے ضلع قلعہ سیف اللہ دے نال مسلم باغ اچ فرنٹیئر کانسٹیبلری دے کمپاونڈ تے دہشت گرداں دے حملے دے بعد کلیئرنگ آپریشن دےد وران ھک شہری سمیت ٧ فوجی جوان شہید تھئی گئے ھن پاک فوج دے شعبہ تعلقات عامہ توں جاری بیان اچ ڈسایا گئیا ھا کہ ایں کارروائی اچ ھک خاتون سمیت ٦ بندے زخمی تھئے ھن ۔ پاک فوج دا آکھݨ ھا کہ کمپاونڈ اچ موجود تمام ٦ دہشت گرد جو پوری طرح اسلحے نال لیس ھن انہاں دا صفایا کر ڈیتا گئے۔

ایں طرح ١٧ مئی کوں سیکیورٹی فورس نے خیبرپختونخوا دے ضلع بنوں اچ جانی خیل دے علاقے اچ خفیہ اطلاع دی بنیاد تے کیتی گئی کارروائی اچ ٢ دہشت گرداں وکں ھلاک کر ڈیتا ھا۔ ریڈیو پاکستان دی رپورٹ دے مطابق پاک فوج دے شعبہ تعلقات عامہ آئی ایس پی آر دی طرفوں جاری بیان اچ آکھا گئیاھا کہ مارے گئے دہشت گرد سیکیورٹی فورس تے معصوم شہریاں دے خلاف دہشت گردی دی سرگرمیاں اچ ملوث ھن۔ بیان اچ آکھا گئیا ھا کہ دہشت گرداں تے قبضے توں اسلحہ تے بارود وی ھا۔

LEAVE A REPLY

Please enter your comment!
Please enter your name here