Advertisment
Advertisment
اسلام آباد

وفاقی وزیر اطلاعات ونشریات عمران خان دے بیان کوں اعتراف جرم قرار ݙے ݙتا، سرکاری و عوامی املاک تے حملے عمران خان دی منصوبہ بندی نال تھئن ، مریم اورنگزیب

Advertisment
Advertiesment

اسلام آباد۔14مئی(اے پی پی) وفاقی وزیر اطلاعات و نشریات مریم اورنگزیب پی ٹی آئی چیئرمین عمران خان دے بیان کوں اعتراف جرم قرار ݙیندے ہوئیں آکھیے عمران خان کوں مسلح جتھیں دے حملیں ، دہشت گردی اتے بلوائی دا بالکل ایویں  کائناں پتہ ہئی جیویں انہاں کوں عدت اچ شادی اتے ٹیریان دا پیو ہووݨ دا کائناں پتہ ہئی ، حساس تنصیبات، عمارتاں، ایمبولینس، سکولاں، ہسپتال، مسیتاں، جانور منڈی تے حملے اتے شہدا تے غازیاں دی یادگاراں دی بے حرمتی عمران خان دی منصوبہ بندی نال تھئی اے ۔ اتوار کوں آپݨے ھک بیان اچ انہاں آکھیے عمران خان ول ول آکھیا جو میں گرفتار تھیا تاں حملہ کرݨا اے ، انہاں سوچی سمجھی منصوبہ بندی نال حملے کروائے ۔ وفاقی وزیر آکھیے پاکستان دے ساریں توں وݙے دہشت گرد ہی ملک تے حملہ آور تھیندن جیں دے اے ماسٹر مائنڈ ہن۔ انہاں آکھیے عمران خان چیف آف آرمی اسٹاف اتے ڈی جی آئی ایس پی آر دا ول ول ایں سانڳے ناں گھندا پئے جو او فارن ایجنٹ نال بند کمرے اچ نی ملدے پئے ، ایوانِ صدر اچ کوئی خفیہ ملاقات نی تھیندی پئی ، انہاں آکھیے میݙی گھڑی میݙی مرضی کائنی ، انہاں قوم دا 60 ارب چوری کیتے، ہݨ میݙی مرضی نہ چلسی ۔ انہاں آکھیے برطانیہ توں 190 ملین پائونڈ سپریم کورٹ اچ کیوں جمع کرائے ڳئے؟ عمران خان تے انہاں دی ذال القادر ٹرسٹ دی بالترتیب 458 کنال تے 254 کنال زمین ہڑپ کیتی۔ انہاں آکھیے فارن فنڈنگ وانڳوں فارن ایجنٹ اتے ایندا ایجنڈا وی پوری طرح بے نقاب تھی ڳئے ۔ وفاقی وزیر اطلاعات آکھیے عمران خان ڈی جی آئی ایس پی آر کوں مشورہ ݙیوݨ توں پہلے اپݨی جماعت دا ناں  پاکستان تحریک دہشت گردی رکھ ݙیون ۔ انہاں آکھیے فارن ایجنٹ دی ملک دشمنی کھل تے سامݨے آ ڳئی اے، انہاں دی ملک دشمنی، دہشت گردی اتے مسلح جتھے بے نقاب تھی ڳئن۔ ایمبولنس، سکول، ہسپتال، مسیت، میٹرو بس، موٹر ویز اتے قومی اثاثیں تے حملہ آور صرف دہشت گرد اتے ملک دشمن ہوندن ۔

Advertisment
Advertisment

Related Articles

Leave a Reply

Your email address will not be published. Required fields are marked *

Back to top button

Adblock Detected

مہربانی فرما تے اپنڑیں بروزر توں ایڈبلاک سیٹنگ توں ویب سائٹ ھٹاو تاکہ ویب سائٹ تساں تک مکمل پھج سکے