بشکیک(سرائیکی نیوز۔ نیوز ڈیسک) کرغزستان دی میزبان ءچ شنگھائی تعاون تنظیم دے رکن ممالک دی سربراھان کونسل دا اجلاس شروع تھئی گئے جیندے ءچ ٨ رکن ممالک دے سربراھان حکومت و مملکت شریک ھن ، وزیر اعظم عمران خان سربراہ اجلاس ءچ پاکستان دی نمائندگی کریندے پئے ھن تے کانفرنس ھال پہجے تاں کرغزستان دے صدر نے انہاں دا استقبال کیتا، پاکستان دے علاوہ روس، چین ، بھارت ، کرغزستان ، تاجکستان ، قازقستان تے ازبکستان دے سربراھ شریک ھن اجلاس توں پہل تمام سربراھان مملکت دا گروپ فوٹو سیشن وی تھئیا ، وزیر اعطم عمران خان ایس سی او سمٹ اوپن فورم توں خطاب کریسن جو کہ مقامی وقت دے مطابق ݙو وجے ڈوپہار ایس سی او اجلاس دے متفقہ اعلامیے تے دستخط کیتے ویسن۔
سمٹ توں پہل وزیر اعظم عمران خان تے چین دے صدر شی جن پنگ دے درمیان وفود دی سطھ تے ملاقات تھئی جیندے ءچ ݙو طرفہ تعلقات دے بارے باہمی دلچسپی دے امور تے گالھ مہاڑ کیتی گئی ، سمٹ دے شرکاء دے اعزاز ءچ کرغزستان دے صدر سوروونیے شریپوویچ دی طرفوں ظہرانہ ݙیتا ویسی، وزیر اعظم عمران خان روسی صدر ولادی میرپیوٹن نال ظہرانے دے بعد ملاقات کریسن، وزیر اعظم عمران خان سائیڈ لائن تے بیلا روس دے صدر نال وی ملاقات کریسن جیندے بعد وزیر اعظم عمران پاکستان ول آسن۔