Advertisment
Advertisment
اسلام آباد

وزیراعظم محمد شہباز شریف نال قازقستان پارلیمنٹ (ایوان زیریں)دے چیئرمین یرلان کوشانوف دی قیادت اچ 9 رکنی پارلیمانی وفد دی ملاقات

Advertisment
Advertiesment

اسلام آباد۔12دسمبر(اے پی پی):وزیراعظم محمد شہباز شریف آکھیے پاکستان تے قازقستان دے تعلقات تاریخ، مذہب اتے ثقافت دے ڳانڈھے اچ گھنڈیے پئن ،پاکستان وسطی ایشیائی ریاستاں بالخصوص قازقستان نال تعاون کوں مزید مستحکم کرݨ چاہندے ۔ اے ڳالھ انہاں سنوار کوں قازقستان پارلیمنٹ (ایوان زیریں)دے چیئرمین یرلان کوشانوف دی قیادت اچ 9 رکنی پارلیمانی وفد نال ملاقات اچ آکھی اے ۔ وفد دا خیرمقدم کریندے ہوئیں وزیراعظم محمد شہباز شریف پاکستان تے قازقستان دے تعلقات دی خصوصی نوعیت تے روشنی پاتی جیڑھی جو تاریخ، مذہب اتے ثقافت اچ ڳھنڈیے پئن ۔ انہاں ایں ڳالھ تے زور ݙتے جو پاکستان وسطی ایشیائی ریاستاں بالخصوص قازقستان نال تعاون مزید مستحکم کرݨ چاہندے ۔قازقستان دے صدر قاسم جومارت توکالیف نال آستانہ اچ سیکا سربراہی اجلاس اتے سمرقند اچ شنگھائی تعاون تنظیم دے سربراہی اجلاس دے موقع تے آپݨی ملاقاتاں کوں یاد کریندے ہوئیں وزیراعظم آکھیے ݙوہیں دونوں فریقین تعلقات کوں ودھارا ݙیوݨ کیتے نتیجہ خیز ڳالھ مہاڑ کیتی ۔ انہاں توانائی، ٹرانسپورٹ اتے ٹرانزٹ ٹریڈ اتے لاجسٹکس دے شعبیں اچ ݙو پاسے تعاون قائم کرݨ تے تکڑا کرݨ دی لوڑھ تے زور ݙتا ۔وزیر اعظم شہباز شریف آکھیے او قازقستان دے صدر دے دورہ پاکستان دے منتظر ہن۔ انہاں ݙسایا پاکستان وختی ہی وسطی ایشیائی ریاستاں دے سربراہی اجلاس دی میزبانی کریسی جیں اچ علاقائی تجارت اتے سرمایہ کاری کوں ودھاوݨ کیتے سڑک اتے ریل رابطیں تے توجہ ݙتی ویسی ۔ یرلان کوشانوف وزیر اعظم کوں بین الپارلیمانی دوستی گروپ دے اجلاس بارے ݙسایا جیڑھا جو قازقستان دے پارلیمانی وفد دے جاری دورے دے دوران منعقد تھیا ۔ انہاں پارلیمانی وفد دے تبادلے دی لوڑھ تے زور ݙتا جیں توں ݙوہیں بھرا ملکاں وچال عوام دے درمیان تبادلیں کوں مزید ودھارا تھیسی ۔انہاں آکھیے قازقستان پاکستان دی وݙی مارکیٹ توں فیدہ چا سڳدے ۔ انہاں ݙو پاسے تجارت تے رابطے ، دواسازی دی صنعت اتے سرجیکل ، کھیݙاں دے سامان اچ تعاون اچ گھاٹی دلچسپی ظاہر کیتی۔ انہاں ݙسائے موجودہ ݙوطرفہ تجارت صرف 95 ملین ڈالر اے جیڑھی جو ݙوہیں ملکاں وچال وسیع تجارتی امکانات دے مطابق کائنی ۔ وزیر اعظم شہباز شریف آکھیے ݙو پاسے تجارت کوں گھٹ مدت اچ سوکھیں ݙوگنا کیتا ونڄ سڳدے ۔قازقستان دے عوام اتے حکومت دی طرفوں قازقستان دی پارلیمنٹ دے ایوان زیریں دے چیئرمین پاکستان اچ اڄوکے تباہ کن سیلاب دے متاثرین کیتے دلی تعزیت اتے ہمدردی دا اظہار کیتا۔ ملاقات اچ سپیکر قومی اسمبلی راجہ پرویز اشرف، وزیر مملکت پٹرولیم ڈاکٹر مصدق ملک اتے وزیر اعظم دے معاون خصوصی رابطہ سید طارق فاطمی وی موجود ہن۔

Advertisment
Advertisment

Related Articles

Leave a Reply

Your email address will not be published. Required fields are marked *

Back to top button

Adblock Detected

مہربانی فرما تے اپنڑیں بروزر توں ایڈبلاک سیٹنگ توں ویب سائٹ ھٹاو تاکہ ویب سائٹ تساں تک مکمل پھج سکے