وزیراعظم دا خیبرپختونخوا اچ اٹے دے بحران دانوٹس ، متعلقہ حکام کوں ضروری اقدامات چاوݨ دی ہدایت

لندن۔8مئی(اے پی پی) وزیراعظم محمد شہبازشریف امیر مقام  دی طرفوں خیبرپختونخوا اچ اٹے دے بحران تے ݙیوائی ونڄݨ آلی توجہ دا وختی نوٹس گھندے ہوئیں ایندی تحقیقات تے وختی طور تے بحران مکاوݨ کیتے ضروری اقدامات چاوݨ دی متعلقہ حکام کوں ہدایت کرݙتی۔ وزیراعظم آفس دے میڈیا ونگ توں جاری بیان موجب وزیراعظم شہبازشریف  نال مشیر و صدر پاکستان مسلم لیگ(ن )خیبرپختونخوا انجینئرامیرمقام  خیبرپختونخوا اچ اٹے دے بحران بارے ازبکستان توں وزیر اعظم نال رابطہ کیتے تے وزیراعظم کوں صوبے اچ اٹے دے بحران بارے عوام اچ پاتی ونڄݨ آلی تشویش دا ݙسائے جیں تے وزیراعظم وختی ایکشن گھندے ہوئیں تحقیقات دا حکم ݙتا تے وختی بحران مکاوݨ کیتے حکام کوں ضروری اقدامات چاوݨ دی ہدایت کرݙتی ۔وزیراعظم شہبازشریف آکھیے خیبرپختونخوا سودھے ٻئے صوبے اتنے ہی اہمیت دے حامل اے جتنا جو پنجاب ،انہاں آکھیے خیبرپختونخوا دے عوام دی مشکل ساݙی مشکل اے۔

Leave a Reply

Your email address will not be published. Required fields are marked *