نیشنل ہائی وے فائونڈیشن دی رہائشی کالونی اچ تعمیری سرگرمیاں تکھی رفتار نال جاری ، نگراں وفاقی وزیر مواصلات جامع مسجد اتےسکول دا باقاعدہ منڈھ ٻڈھ ݙتا
اسلام آباد۔25فروری(اے پی پی):نیشنل ہائی وے فانڈیشن دی رہائشی کالونی اچ تعمیری سرگرمیاں تکھی رفتار نال جاری ہن
نگراں وفاقی وزیر مواصلات شاہد اشرف تارڑ جامع مسجد اتے سکول دا باقاعدہ سنگ بنیاد رکھ ݙتے۔ تعمیری عمل دا جائزہ گھندے ہوئیں انہاں این ایچ اے حکام کوں ساریاں رہائشی سہولتاں ݙیوݨ تے تعمیری عمل معیاری اتے وختی مکمل کرݨ دی تاکید کیتی اے۔
ترجمان وزارت مواصلات توں جاری بیان موجب ایں موقع تے چیئرمین نیشنل ہائی وے اتھارٹی ارشد مجید مہمند، چیئرمین این ایچ ایف نسیم خٹک تے ٻئے متعلقہ حکام وی موجود ہن۔ واضح رہے جو انہاں ݙینھاں وفاقی وزیر مواصلات اتےچیئرمین نیشنل ہائی وے اتھارٹی دی بھر پور کوششاں نال این ایچ ایف تے ڈی ایچ اے وچال ھک اشتراکی معاہدہ وی تھئے
جیں دے تحت ݙوہیں ہاؤسنگ سوسائٹیاں تعمیری عمل اتے آپت اچ ھک ݙوجھے کوں رابطہ سڑکاں تے آمد و رفت دی سہولت ݙیوݨ اچ معاونت کریسن ۔