Advertisment
Advertisment
اسلام آباد

نگراں وزیر دفاع لیفٹیننٹ جنرل (ر) انور علی حیدر نال پاک بحریہ دے سربراہ ایڈمرل نوید اشرف دی ملاقات

Advertisment
Advertiesment

راولپنڈی۔26اکتوبر(اے پی پی) نگراں وزیر دفاع لیفٹیننٹ جنرل (ر) انور علی حیدر نال پاک بحریہ دے سربراہ ایڈمرل نوید اشرف وزارت دفاع اچ ملاقات کیتی۔ وزیر دفاع چیف آف دی نیول سٹاف دا چارج سنبھالݨ تے انہاں کوں مبارخ ݙتی ۔ملاقات اچ سانجھی دلچسپی دے پیشہ ورانہ امور اتے بحر ہند دے خطے اچ علاقائی میری ٹائم سکیورٹی اچ پاک بحریہ دے کردار تے ڳالھ مہاڑ کیتی ڳئی ۔ وزیر دفاع اپݨی مسلح افواج دی صلاحیتاں کوں مضبوط کرݨ دے حکومتی عزم دا اعادہ کیتے تاں جو موجودہ چیلنجزنال موثر طریقے نال نبݨݨ تے قومی سرحداں دے فول پروف دفاع کوں یقینی بݨایا ونڄ سڳے ۔وزیر دفاع آکھیے ایڈمرل نوید اشرف دی قابل کمان اچ پاک بحریہ موجودہ اتے مستقبل دے چیلنجز نال نبݨݨ کیتے ھک اعلیٰ قوت دے طور تے ابھرسی ۔ نیول چیف وزیر دفاع کوں خطے دی موجودہ صورت دا ݙسائے تے انہاں کوں پاک بحریہ دی آپریشنل تیاریاں دا ݙسایا ۔ انہاں ایں عزم دا اظہار کیتے جو پاک بحریہ کہیں وی اندرلے یا ٻاہرلے چیلنج  نال نبݨݨ سانڳٖ پوری طرح تیار اے ۔

Advertisment
Advertisment

Related Articles

Leave a Reply

Your email address will not be published. Required fields are marked *

Back to top button

Adblock Detected

مہربانی فرما تے اپنڑیں بروزر توں ایڈبلاک سیٹنگ توں ویب سائٹ ھٹاو تاکہ ویب سائٹ تساں تک مکمل پھج سکے