لاہور(اے پی پی) نگران وزیراعلیٰ پنجاب محسن نقوی رمضان المبارک اچ مستحق لوکاں کوں شفافیت نال مفت اٹا ونݙݨ دی ہدایت کریندے آکھیے جو وفاقی اتے پنجاب حکومت دے رمضان ریلیف پیکیج دے تحت مفت اٹا ݙیوݨ دے پروگرام کوں کامیاب ٻݨایا ویسی۔ انہاں لاہور اچ ماڈل ٹاؤن دے سکول اچ سنٹر دا دورہ کیتے اتے مفت آٹا ڳھنݨ آئے شہریاں دی تصدیق اتے اٹا ونݙیڄݨ دا جائزہ ڳھدا۔ انہاں سنتر آئے لوکاں دے مسئلے وی سݨیے۔ انہاں شکایتاں مکاوݨ کیتے ڈپٹی کمشنر کوں موقع تے ہدایات ݙتن اتے مفت اٹے کیتے شہریاں کوں سوکھ ݙیوݨ دا آکھیا۔
- Advertisment -
