Advertisment
Advertisment
اسلام آباد

مفت اٹا سکیم توں پنجاب، خیبرپختونخوا اچ ݙو کروڑ 30 لکھ توں ودھ ٹٻراں فائدہ

شفافیت کوں یقینی ٻݨاوݨ کیتے وزیراعظم آپ نگرانی کیتی اے

Advertisment
Advertiesment

اسلام آباد ۔1مئی  (اے پی پی) حکومت دی مفت  اٹا  سکیم توں پنجاب،  خیبرپختونخوا  اچ  ݙو کروڑ  30 لکھ توں ودھ ٹٻراں فائدہ چاتے، شفافیت کوں یقینی ٻݨاوݨ کیتے وزیراعظم آپ نگرانی کیتی اے۔ وزیراعظم   محمد شہباز شریف رمضان دے مقدس مہینے توں کجھ ہفتے پہلے اعلان کیتا ہئی جو حکومت پنجاب دے 18.5 ملین ٹٻر اتے وفاقی دارالحکومت دے 185,000 ٹٻراں اچ مفت اٹا تقسیم کریسی۔ ایں سکیم دے شروع تھیوݨ توں پہلے وزیراعظم متعلقہ حکام نال متواتر ملاقاتاں کیتی تانجو روزیاں دے مہینے اچ مستحق لوکاں اچ اٹے دی تقسیم یقینی ٻݨائی ونڄ سڳے۔ وزیراعظم دی ہدایت موجب متعلقہ حکام مستحقین دی سہولت کیتے جامع انتظامات کیتے۔ انتظار  گاہاں دے علاوہ لوکاں دی اہلیت اتے تقسیم دے عمل بارے رہنمائی کیتے خصوصی معلوماتی ڈیسک وی ٻݨا ݙتے ڳے ہن۔ شعبان توں شروع تھیوݨ آلی اے سکیم ماہ مقدس دے چھیکڑی ہفتے تئیں جاری رہی۔ پنجاب اچ اٹے وی تقسیم 8500 یوٹیلیٹی سٹورز دے نال نال صوبیاں اچ ٻݨے 20,000 اٹے دے ڈسٹری بیوشن پوائنٹس دے ذریعے کیتی ڳی۔ پنجاب حکومت دے اعدادوشمار موجب پنجاب اچ تقریباً 43.93 ملین اٹے دے تھیلے تقسیم کیتے ڳے جئیں اچوں 17.69 گھراں دا فائدہ تھیے۔

پنجاب اچ مفت اٹے دی تقسیم صرف صوبے دے رہݨ آلیاں تئیں محدود کائنا ہئی بلکہ پنجاب اچ رہݨ آلے کے پی، آزاد کشمیر، گلگت بلتستان دے لوکاں کوں وی اے سہولت ݙتی ڳی ہئی۔ اینویں خیبرپختونخوا دے تقریبا 5.23 ملین ٹٻرحکومت دی فلاحی سکیم توں فائدہ چاتے جیڑھے جو مقررہ ہدف دا نوے فیسڈ توں ودھ حاصل کر چکین۔ وزیراعظم شفافیت کوں یقنی ٻݨاوݨ اتے مستحقین دی مناسب سہولت کیتے   راولپنڈی، سرگودھا، بہاولپور، لاہور، قصور، ڈیرہ غازی خان اتے مظفر گڑھ سودھے صوبیاں اچ اٹے دی تقسیم دے جہیں دے غیر اعلانیہ دورے وی کیتے ۔ایں موقع تے انہاں لوکاں نال ڳالھ مہاڑ کیتی، انہاں دے مسئلے سݨیے اتے انہاں دے فوری ازالے دی ہدایت جاری کیتی۔ انہاں اٹے دے تھیلے حوالے کرݨ توں پہلے مستحقین دی تفصیلات دی تصدیق دے عمل دا وی جائزہ ڳھدا اتے ہدایت کیتی جو رمضان المبارک اچ کہیں شہری کوں کہیں قسم دی پریشانی نہ تھیوے۔ وزیراعظم ایں ڳالھ تے زور ݙیندے رہیے جو اینکوں صرف ہک سرکاری فریضہ نہ سمجھیا ونڄے بلکہ رمضان المبارک اچ اللہ تعالیٰ دی خوشنودی حاصل کرݨ کیتے انسانیت دی خدمت دے طور کم کرن۔ وزیراعظم شہباز شریف آکھیا جو 75 سالیں اچ پہلی واری مفت اٹا ݙتا ویندا پے۔  وفاقی وزیر اطلاعات مریم اورنگزیب اپݨے ٹویٹ اچ آکھیا جو  رمضان اچ پنجاب،خیبرپختونخوا ، سندھ اتے اسلام آباد اچ کروڑاں غریباں کوں ایں مہانگ اچ پوری شفافیت اتے ایمان داری نال مفت اٹا ݙتا ڳیا۔ وفاقی وزیر اطلاعات آکھیا جو وزیراعظم شہباز شریف خود ایں عمل دی نگرانی کیتی، شہراں دے دورے کر تے جائزہ ڳھدا۔ وزیراعظم آکھیا جو تاریخی سکیم دی کامیابی اچ انتظامی افسراں اتے عملے ݙینھ رات محنت کیتی جیڑھی قابل تعریف اے۔ یاد راہوے جو حکومت ایں بارے ہک جامع آگاہی مہم وی چلائی ہئی جئیں اچ لوکاں کوں آکھیا ڳیا ہئی جو او اپݨے شناختی کارڈ نمبر دا ہک ایس ایم ایس ٻھیج تے مفت اٹے کیتے اپݨی اہلیت کوں بینظیر انکم سپورٹ پروگرام دی 8717 ہیلپ لائن تے ٻھیجن کیونجو ڈیٹا بی آئی ایس پی نال منسلک اے۔ معیار موجب بی آئی ایس پی نال رجسٹرڈ اتے 60   یا ایں توں ڳھٹ کرتے  “پاورٹی سکور ” دے حامل غریب ٹٻر ایں سہولت توں فائدہ چاوݨ دے اہل ہن۔ رجسٹرڈ ٹبر ہک مہینے اچ 30 کلو اٹا ڳھنݨ دے حقدار ہن۔ وزیراعظم بعد اچ اعلان کیتا ہئی جو بی آئی ایس پی دے ڈیٹا نال رجسٹرڈ نہ تھیوݨ آضے لوکاں اچ وی تقسیم دی ڄاہ تے مخصوص ڈیسک دے ذریعے سکیم توں فائدہ چاوݨ دے اہل ہوسن۔ ایں کم کوں ملک دی تاریخ دے ساریاں توں وݙے پیکیج دے طور تعریف کیتی ڳی۔

Advertisment
Advertisment

Related Articles

Leave a Reply

Your email address will not be published. Required fields are marked *

Back to top button

Adblock Detected

مہربانی فرما تے اپنڑیں بروزر توں ایڈبلاک سیٹنگ توں ویب سائٹ ھٹاو تاکہ ویب سائٹ تساں تک مکمل پھج سکے