عمران ریاض کوں ٢٢ مئی تک بازیاب کرو تے عدالت اچ پیش کرو، چیف جسٹس لاہور ھائی کورٹ
0
0
لاہور ہائی کورٹ دے چیف جسٹس امیر محمد بھٹی نے پنجاب پولیس اینکر پرسن عمران ریاض خان کوں ٢٢ مئی تک بازیاب کروا تے ھر صورت اچ عدالت پیش کرݨ دا حکم
لاہور ھائی کورٹ دے جسٹس امیر محمد بھٹی نے اینکر پرسن عمران ریاض دے والد محمد ریاض دی طرفوں اپنڑیں پتر دی بازیابی پاروں دائر کیتی گئی درخواست تے سماعت کیتی جہتھاں انسپکٹر جنرل آئی جی پنجاب نے پیش رفت تے مبنی رپورٹ پیش کیتی ۔ سماعت دا آغاز تھئیا تاں آئی جی پنجاب عثمان انور نے معاملے تے پیش رفت تے مبنی رپورٹ عدالت اچ پیش کیتی تے ڈسایا کہ عمران ریاض دے اغواء دے حوالے نال آکھا گئیا کہ ایندے اچ پولیس دی گڈی استعمال تھئی ھِ جو کہ غلط ھِ ۔ انہاں آکھیا کہ اساڈے کول گڈی دی مکمل تفصیلات ھن پولیس گڈی دا ایں اغوا نال کوئی تعلق کینی جئیں تے چیف جسٹس نے سوال کیتا کہ تساں کیویں آکھ سکدے وے کہ کوئی تعلق کینی۔
آئی جی پنجاب نے چیف جسٹس کوں ڈسایا کہ سی ڈی آر تے سی سی ٹی وی فوٹیج موجود ھِ جئیں تے ٹائم آندا پیا ھِ اساں کل وزارت خارجہ نال گالھ کیتی تے ایں کیس اچ مدد دی درخواست کیتی ھِ انہاں دا آکھݨ ھا کہ جیو فینسنگ دے نال لوگاں دا لائیندے پئے ھن کہ او کان لوگ ھن جو عمران ریاض وکں گھن تے گئے ۔ آکھا ویندا پیا ھِ عمران ریاض کوں زبردستی گھن تے گئے ھن لیکن بظاہر اے نی لگدا پیا۔
ایں موقعے تے چیف جسٹس لاہور ھائی کورٹ نے ایں حوالے نال سی سی ٹی ویڈیو عدالت اچ دوبارہ چلوا ڈیتی ۔ عمران ریاض دے وکیل اظہر صدیقی نے عدالت اچ دلائل ڈیتے کہ جیل دے باہروں عمران ریاض کوں گھیرا پا تے گھن گئے ھن جبکہ چیف جسٹس نے استفسار کیتا کہ کیا تساڈی کیا سیکورٹی ہوندی ھِ جیل دے باہر اے ڈساو ۔ آئی جی پنجاب نے ڈسایا کہ اساں کوں ضرور ہووے تاں جیل دے باہر سیکیورٹی لائندے ھین عمومان سیکورٹی نی ہوندی ، وکیل اظہر صدیقی نے آکھای کہ آئی جی جیل آکھیندے ھن جیل دے باہر اساڈی ڈیوٹی کینی، عمران ریاض کوں گرفتار کرݨ کیتے پہلے لاہور انہاں دےگھر چھاپا مارا گئیا۔
وکیل اظہر صدیق نے آکھیا کہ پولیس دی بدنیتی کھل تے سامنڑیں آ چکی ھِ چیف جسٹس نے آئی جی پنجاب توں پچھا کہ تساں لاہور اچ عمران ریاض دے گھر چھاپہ مارا ول سیالکوٹ اچ گرفتاری کیتی ، گھر اچ چھاپا کیوں مارا ایندا تحریری جواب اج عدالت اچ جمع کرواو۔ چیف جسٹس لاہور ھائی کورٹ جسٹس امیر بھٹی نے پولیس کوں آکھا کہ پہل تساں ویلا منگدے ھاوے تے ھݨ میں تساں کوں وقت ڈیندا پیاں ، پیر ٢٢ مئی تک ہر صورت اچ عمران ریاض وکں بازیاب کروا تے عدالت اچ پیش کرو۔
Average Rating