عدلیہ دی بحالی اچ وکلاء برادری اہم کردار ادا کیتے، صدر عارف علوی

0
40

کراچی (اے پی پی) صدر مملکت ڈاکٹر عارف علوی آکھیا جو عدلیہ دی بحالی اچ وکلاء برادری اہم کردار ادا کیتے۔ اے ڳالھیں انہاں سنوار کوں گورنر ہاؤس سندھ اچ قانون دی حکمرانی بارے تھیوݨ آلے سیمینار توں مزمان خصوصی دے طور خطاب کریندیں ہوئیں آکھی۔ صدر مملکت ڈاکٹر عارف علوی آکھیا جو قانون دی حکمرانی اتے جمہوریت دے بغیر کوئی ملک ترقی نی کرسڳدا۔ انہاں آکھیا جو اساکوں ملک اچ جمہوریت دی بقاء کیتے درکار قربانیاں توں پچھوں نہ ہٹݨا چاہیدا۔ قانون دی حکمرانی کیتے مشورہ ضروری اے پر مشورے دے عمل اچ غیر اہم عوامل رکاوٹ ہن۔ انہاں آکھیا جو عوام توں اپیل اے جو او ملک اچ جمہوریت دی بقا کوں یقینی ٻݨاوݨ کیتے تشدد اتے تصادم نہ کرن۔ ایں موقع تے صدر سپریم کورٹ بار ایسوسی ایشن عابد شاہد زبیری، ممبر سندھ بار کونسل نعیم قریشی اتے ایڈووکیٹ ریاض آفندی وی خطاب کیتا۔

LEAVE A REPLY

Please enter your comment!
Please enter your name here