صدر ڈاکٹر عارف علوی کوں الوداعی گارڈ آف آنر پیش کیتا ڳئیا

0
44
صدر ڈاکٹر عارف علوی کوں الوداعی گارڈ آف آنر پیش کیتا ڳئیا

اسلام آباد۔8مارچ (اے پی پی) صدر مملکت ڈاکٹر عارف علوی کوں انہاں دی عہدہ صدارت دی مدت دے چھیکڑ تے جمعے کوں ایوان صدر اچ الوداعی گارڈ آف آنر پیش کیتا ڳئیا۔

مسلح فوج دے چاق و چوبند دستے صدرمملکت کوں گارڈ آف آنر پیش کیتا۔

ایں موقع تے قومی ترانے دی دھناں وی وڄائی ڳئی۔ بعد اچ سبکدوش تھیوݨ آلے صدرمملکت ایوان صدر دے افسراں اتے عملے نال مصافحہ کیتا۔ ڈاکٹر عارف علوی 9 ستمبر 2018 کوں پاکستان دے 13ویں صدر دی حیثیت نال حلف چاتا ہئی۔

صدر مملکت ڈاکٹر عارف علوی ولوں نیشنل لائبریری آف پاکستان کوں کتاباں دا تحفہ پیش کیتا ڳئیا

  صدر مملکت ڈاکٹر عارف علوی ولوں نیشنل لائبریری آف پاکستان کوں کتاباں دا تحفہ پیش کیتا ڳئیا۔ صدر مملکت کتاباں نیشنل لائبریری آف پاکستان اتے قومی ورثہ تے ثقافت ورثہ ڈویژن دے نمائندیاں کوں پیش کیتی۔ ایوان صدر دے پریس ونگ موجب صدرمملکت ایں موقع تے قوم اچ کتب بینی دا کلچر ودھاوݨ دی لوڑھ تے زور ݙٰیندیں ہوئیں آکھیاجو آپݨے پنڄ سال دور اچ نینگراں دی کتب بینی کیتے حوصلہ افزائی کرینداں آیاں۔

LEAVE A REPLY

Please enter your comment!
Please enter your name here