اسلام آباد (اے پی پی) صدر مملکت ڈاکٹر عارف علوی دا ڈی آئی خان حملے اچ شہید تھیوݨ آلے پاک فوج دے نینگراں دے ورثاء نال ٹیلی فون تے افسوس کیتا۔ منگل کوں ایوان صدر دے پریس ونگ توں جاری بیان موجب صدرمملکت سوار محمد اسرار اتے نائیک ساجد حسین دے لواحقین نال تعزیت کیتی۔ انہاں قوم کیتے جان دا نذرانہ ݙیوݨ تے شہیداں کوں خراج عقیدت پیش کیتا۔ انہاں آکھیا جو وطن دے تحفظ کیتے قربانی تے قوم آپݨے شہیداں دی احسان مند رہسی۔ صدرمملکت شہیداں دی خدمات تے سلام پیش کیتا اتے درجات دی بلندی کیتے وی دعا کیتی۔ صدرمملکت شہیداں دے ٹٻراں نال ہمدردی اتے ورثاء کیتے صبر دی دعا کیتی۔