اسلام آباد۔5جون(اے پی پی):صدر مملکت آصف علی زرداری پاک-اردن تعلقات ٻئے تکڑے کرݨ تے زور ݙیندے آکھیے جو ݙوہاں ملکاں وچال ڳھاٹے برادرانہ تعلقات ہین۔ او ایوان صدر اسلام آباد اچ ملݨ آوݨ آلے اردن دے سفیر ڈاکٹر معین خراست نال الیندے پئے ہن۔ اردن دے سفیر صدر مملکت کوں 11 جون کوں اردن اچ غزہ بارے انسانی امداد تے تھیوݨ آلی کانفرنس اچ شرکت دی دعوت ݙتی اتے صدر مملکت کانفرنس اچ شرکت تے رضامندی ݙتی۔ اردنی سفیر ݙسایا جو اردن فلسطین اچ انسانی امداد ݙیوݨ لو اخوت فائونڈیشن نال مفاہمتی یادداشت تے دستخط کیتن۔