ستویں پاکستان انٹرنیشنل آرمی ٹیم سپرٹ ایکسرسائز2024 ء دا انعقاد

0
36
ستویں پاکستان انٹرنیشنل آرمی ٹیم سپرٹ ایکسرسائز2024 ء دا انعقاد

راولپنڈی۔25فروری  (اے پی پی):ساتیں پاکستان انٹرنیشنل آرمی ٹیم سپرٹ (پی اے ٹی ایس) ایکسرسائز2024  ء دا انعقاد نیشنل کائونٹر ٹیررازم سنٹر پبی اچ اتوار کوں تھئے ،جیندے اچ 20 دوست ملکاں دے ملٹری آبزرورز شرکت کیتی۔

اتوار کوں آئی ایس پی آر توں جاری اعلامیہ موجب ڈائریکٹر جنرل ملٹری ٹریننگ 60 گھنٹے دی طویل پٹرولنگ مشق دا افتتاح کیتا۔ ایں مشق دا مقصد اوکھیے عالمی سیکیورٹی ماحول اچ فوجی تعاون ودھاوݨ سانڳے فوجی استعداد ودھاوݨ اے ۔

ایں مشق اچ پاکستان دے علاوہ بحرین، اردن، قزاقستان، سعودی عرب، مالدیپ، مراکش، قطر، سری لنکا، تھائی لینڈ، ترکیہ، امریکہ اتے ازبکستان کلیدی شراکتدارجݙاں جو آذربائیجان، بیلاروس، چین، میانمر، جرمنی، انڈونیشیا، جاپان اتے اومان بطور ملٹری مبصر مشق کوں ݙٹھے ۔

پاکستان آرمی ٹیم سپرٹ ھک مشن سانڳے مخصوص اتے ٹاسک تے مبنی پیشہ ورانہ فوجی مشق اے جیڑھی جو پاکستان اچ ہر سال منعقد کیتی ویندی اے ۔ مشق اچ جسمانی فٹنس، ذہنی چستی/مضبوطی تے پیشہ ورانہ فوجی مہارت دے اعلی معیار تے توجہ ݙتی ڳئی اے ۔

LEAVE A REPLY

Please enter your comment!
Please enter your name here