حکومت نال مذاکرات ناکام تھئے تاں تاریخی لانگ مارچ تھیسی، فواد چوہدری

0
31
حکومت-نال-مذاکرات-ناکام-تھئے-تاں-تاریخی-لانگ-مارچ-تھیسی،-فواد-چوہدری.jpg

فواد چوہدری نے اپنڑیں ٹوئٹ اچ آکھیا ھِ کہ تحریک انساف مذاکرات دی کامیابی چاھندی ھِ لیکن ناکامی دی صورت اچ حکمت عملی مرتب کر گھیدی ھِ

انہاں آکھیا کہ اے نی تھئی سکدا کہ آئین کوں ردی دا ٹکڑا تے عوام کوں کیڑے مکوڑے سمجھا ونجے تے تحریک انصاف خاموش بیٹھی رھاوے، مذاکرات دی ناکامی دی صورت اچ عوام وڈی تحریک پاروں تیار تھئی ونجے۔

انہاں دا آکھݨ ھا کہ تحریک دا آغاز کل لاہور ، اسلام آبد تے پشاور ریلی توں تھیندا پیا ھِ ایندا نقطہ عروج ھک تاریخی لانگ مارچ ہوسی۔

حکومت تے پی ٹی آئی دے وچ مذاکرات سپریم کورٹ دی تجویز تے ایں ہفتے دے آگاز اچ تھئے ھن جیندے حکمران اتحاد تے اپوزیشن دے درمیان انتخابا تتے ہفتیاں توں جاری تطل اچ ھک اہم پیش رفت سمجھا ویسی۔

مذاکرات پاروں ڈو وار بیٹھکاں دے بعد ھݨ فریقین دے درمیان ڈو مئی کوں مذاکارات دا آخرہ دور تھیسی ۔ بظاہر ایہا لگدے کہ ڈو مئی پی ٹی آئی تے حکومتی مذاکرات پاروں ھک مشکل ڈینھ ہوسی ، پی ٹی آئی ١٤ مئی توں پہل اسمبلیاں تحلیل کرواوݨ تے بضد ھِ ڈوجہے پاسے حکومت ایں مطالبے کوں پورا کرݨ دے موڈ اچ کینی۔ ڈونہاں فریقاں دے درمیان ایں ہفتے دے دوران بنڑݨ والے تعلقات کوں سابق وزیر اعلی پنجاب پرویز الہی دے گھر تے رات گئے چھاپے نے وڈا دھچکا ڈیتا ھِ

ڈونہاں ودی جماعتاں دے اپنڑیں اپنڑیں موقف توں پچھی تے ہٹݨ توں انکار دے بعد مذاکرات دے مثبت نتائج نکلݨ دے امکانات ھن۔ سابق وزیر اعظم تے پی ٹی آئی چیئرمین عمران خان نے اتحادی حکومت کوں آکھا ھِ کہ تساں ١٤ مئی تک تمام اسمبیاں تحلیل کریندے وے تاں اساں تساڈے نال ھک ھی الیکشن پاروں تیار ھیں لیکن اگر تساں کوں ١٤ مئی کوں اسمبلی تحلیل کرݨ قبول کینی تاں چھیکڑ ڈونہیں صوبیاں اچ الیکشن کروایسوں جیندا سپریم کورٹ نے حکم ڈیتا ہویا ھِ

انہاں آکھیا کہ پی ٹی آئی دی مذاکراتی ٹیم منگل ٢ مئی کوں مذاکرات دے تریجھے راونڈ پاروں حکومتی ٹیم نال ملاقات کریسی تے ١٤ مئی توں پہل قومی اسمبلی کوں تحلیل کرݨ دا مطالبہ پیش کریسی ، بصورت دیگر پی ٹی آئی پنجاب دے عام انتخابات توں متعلق سپریم کورٹ دے حکم دے مطابق اگئی تے ودھسی۔ انہاں دا مزید آکھݨ ھا کہ پی ٹی آئی ، خیبرپختونخوا اچ جلد از جلد عام انتخابات پاروں وی سپریم کورٹ نال رجوع کریسی کیونکہ ٩٠ ڈینھ دا آئینی وقت گزر چکیا ھِ

 

 

LEAVE A REPLY

Please enter your comment!
Please enter your name here