ججاں توں متعلق مبینہ آڈیو لیکس دی تحقیقات پاروں سپریم کورٹ دے سینئر جج دی سربراھی اچ تریھ رکنی انکوائری کمیشن

0
17

وفاقی حکومت دا عدلیہ تے ججاں توں متعلق مبینہ آڈیو لیکس دی تحقیقات پاروں سپریم کورٹ دے سینئر جج دی سربراھی اچ تریھ رکنی انکوائری کمیشن قائم کر ڈیتا گئیا۔

کمیشن دے قیام دا نوٹیفکیشن کابینہ ڈویژن توں جاری کیتا گئیا جو ١٩ مئی کوں گریٹ آف پاکستان اچ شائع تھیا۔

نوٹیفکیشن اچ آکھا گئیا ھِ کہ حال اچ ھی قومی الیکٹرونک ، پرنٹ تے سوشل میڈیا تے مبینہ طور تے عدلیہ ، سابق چیف جسٹس ، ججاں دی گالھ مہاڑ توں متعلق گردش کرݨ والی متنازع آڈیوز نے عدالت عظمی دے چیف جسٹس ، ججاں دی غیر جانبداری آزادانہ تے دیانت داری نال فیصلے کرݨ دی صلاحیت دے حوالے نال سنگین خدشات پیش کر ڈیتے ھن۔

آکھا گئیا ھِ کہ عوامی مفاد اچ عدلیہ دی ساکھ تے عوام دا ایں تے بھروسہ تے اعتماد بحال کرݨ پاروں انہاں آڈیو لیکس دی صداقت تے درستی دی تحقیقات کرݨ لازم ھِ  نوٹیفکیشن دے مطابق پاکستان کمیشن آف انکوائری دی تحقیقات کیتے انکوائری کمیشن تشکیل ڈیتا گئیا ھِ

سپریم کورٹ دے سینئر ترین جج جسٹس قاضی فائز عیسی کمیشن دے سربراہ ، بلوچستان ھائی کورٹ دے جسٹس نعیم اختر  افغان تے اسلام آباد ھائی کورٹ دے چیف جسٹس عامر فاروق کمیشن دے اراکین شامل ھن۔ نوٹیفکیشن اچ درج کمیشن دے ٹی او آرز دے مطبق کمیشن آڈیو لیک تے ایندے عدلیہ دی خود مختاری تے اثرات دا جائزہ گھنسی۔

LEAVE A REPLY

Please enter your comment!
Please enter your name here