بھارتی فوج مقبوضہ کشمیر اچ حق خود ارادیت کو لتارݨ کیتے جنگی جرائم، انسانی حقوق دیاں ودھ خلاف ورزیاں کریندی پئی اے، مشعال ملک

0
98
بھارتی فوج مقبوضہ کشمیر اچ حق خود ارادیت کو لتارݨ کیتے جنگی جرائم، انسانی حقوق دیاں ودھ خلاف ورزیاں کریندی پئی اے، مشعال ملک

اسلام آباد۔26اکتوبر(اے پی پی):نگران وزیراعظم دی معاون خصوصی برائے انسانی حقوق مشعال ملک آکھیے جو بھارتی فوج مقبوضہ کشمیر اچ حق خود ارادیت کو لتارݨ کیتے جنگی جرائم، انسانی حقوق دیاں ودھ خلاف ورزیاں کریندی پئی اے، اقوام متحدہ ہک اعلیٰ سطح کمیشن ٻݨاوے ڄیڑھا بین الاقوامی قوانین دے مطابق ڄڳ اچ تھیوݨ آلے انہاں جرائم دی تحقیقات کراوے، اسرائیلی فوج غزہ اچ معصوم ٻالاں اتے تریمتیں تے ظلم کریندی پئی اے۔ اے ڳالھ انہاں اسلام آباد اچ حریت رہنماواں دے کٹھے یوم سیاہ کشمیر بارے پریس کانفرنس اچ آکھی۔ انہاں اکھیا جو خطے اچ امن کیتے مسئلہ کشمیر دا حل ٻہوں ضروری اے، بھارت آر ایس ایس دے تݙ تے ڄق اچ کشمیریاں کوں ہراساں کریندا پئے، ہݨ سکھ اقلیت وی محفوظ کائنی، کینیڈا اچ سکھ رہنما دا قتل ایندی کھلی مثال اے۔ انہاں آکھیا جو مقبوضہ کشمیر اچ بھارت اپݨا ظلم و بربریت لکاوݨ کیتے میڈیا تے پابندی لائی ہوئی اے۔ اقوام متحدہ ہک اعلیٰ سطح کمیشن ٻݨاوے ڄیڑھا بین الاقوامی قوانین دے مطابق ڄڳ اچ خاص کر مقبوضہ جموں اتے کشمیر اتے فلسطین اچ اسرائیلی مظالم اتے انسانیت تے تھیوݨ آلے انہاں جرائم دی تحقیقات کراوے۔

LEAVE A REPLY

Please enter your comment!
Please enter your name here