اسلام آباد۔25اپریل (اے پی پی):پاکستان اچ ایران دے سفارتخانے سوات اچ سی ٹی ڈی تھاݨے تء دہشت گرداں دے حملے دی شدید مذمت کیتی اے جیں دے نتیجے اچ ٻہوں سارے پولیس اہلکارشہید اتے زخمی تھئن ۔ اسلام آباد اچ ایرانی سفارتخانے ھک ٹویٹ اچ آکھے اساں انہاں لوکاں نال تعزیت کریندوں جنہاں ایں دہشت گرد حملے اچ اپݨے پیاریں کوں ونڄا ݙتے ۔ ٹویٹ اچ شہدا دی مغفرت اتے زخمیاں دی وختی صحت یابی کیتے دعا کیتی ڳئی اے ۔