الیکشن کمیشن سنی اتحاد کونسل دی مخصوص نشستاں ݙیوݨ دی درخواست مسترد کرݙتی

0
72
الیکشن کمیشن سنی اتحاد کونسل دی مخصوص نشستاں ݙیوݨ دی درخواست مسترد کرݙتی

اسلام آباد۔4مارچ(اے پی پی)الیکشن کمیشن آف پاکستان سنی اتحاد کونسل دی تریمتیں اتے غیرمسلماں کیتے مختص نشستاں ݙیوݨ دی درخواست مسترد کریندے اے نشستاں قومی اسمبلی اچ جنرل نشستاں دی تقسیم دی بنیاد تے ٻیاں سیاسی جماعتاں کوں ݙیوݨ دا فیصلہ کیتے۔ الیکشن کمیشن محفوظ فیصلہ سݨیدے چار ہک توں سنی اتحاد کونسل دی درخواست مسترد کرݙتی اے۔

الیکشن کمیشن آکھیے جو آئین دے آرٹیکل 51(6) اتے انتخابی قانون 2017 دی شق 104، 92 اتے 94 دے تحت سنی اتحاد کونسل خواتین اتے غیرمسلماں کیتے مختص نشستاں دے اہل نئیں جو سنی اتحاد کونسل اپݨی ترجیحی نشست ویلھے تے جمع نئیں کرائی

اے نشستاں خالی نئیں رکھیا ونڄ سڳدیاں تہوں اے مخصوص نشستاں سیاسی جماعتوں کوں ونݙ ݙتیاں ویسن جیندا کوٹہ رکھیا ویسی۔

الیکشن کمیشن دے ممبر بابر حسین بھروانہ فیصلے تے اختلافی نوٹ لکھدے آکھیے جو سنی اتحاد کونسل کوں مقررہ ویلھے تے امیدواراں دی ترجیحی فہرست جمع نہ کراوݨ تے مخصوص نشستاں دی الاٹمنٹ دی درخواست مسترد کرݨ دے فیصلے نال اتفاق کرینداں ٻھل ٻیاں سیاسی جماعتاں کوں اے نشستاں ݙیوݨ غلط اے

آرٹیکل 51(6-d) اتے آرٹیکل 106(3-c) دے تحت سیاسی جماعتاں کوں انہاں دیاں نشستاں دے مطابق مخصوص نشستاں ݙتیاں ویندن ڄیڑھیاں اوں ویلھے تئیں خالی رھݨا چاہیدن ڄے تئیں آرٹیکل 51 اتے 106 اچ پارلیمنٹ ترمیم نہ کر ݙیوے۔

LEAVE A REPLY

Please enter your comment!
Please enter your name here