اقوام متحدہ دی جنرل اسمبلی اچ تقریب،عالمی امن مشن دے 8 پاکستانی شہدا کوں اعزازات نال نوازیا ڳیا

0
38

اسلام آباد۔26مئی(اے پی پی):اقوام متحدہ دے امن مشن دی 75 ویں سالگرہ دے موقع تے یواین دے جنرل اسمبلی ہال اچ خصوصی تقریب جمعے کوں منعقد تھئی جیں اچ عالمی ادارے دے امن مشن دے دوران جام شہادت نوش کرݨ آلے اٹھ پاکستانی شہدا کوں اعزاز نال نوازیا ڳئے ۔اقوام متحدہ دے سیکرٹری جنرل تقریب دی صدارت کیتی۔ میڈیا رپورٹس موجب اقوام متحدہ اچ پاکستان دے قائم مقام مستقل نمائندے سفیر محمد عامر خان اتے کرنل راجہ افضال احمد سیکرٹری جنرل توں شہدا دےمیڈلز وصول کیتے۔8 شہداء اچ 6 او شہید وی شامل ہن جنہاں 29 مارچ 2022 کوں ڈیموکریٹک ریپبلک آف کانگو اچ اقوام متحدہ دےسٹیبلائزیشن مشن دے نال فرائض سرانجام ݙیندے ہوئیں ہیلی کاپٹر حادثے دے دوران شہادت پاتی۔ انہاں شہداء اچ لیفٹیننٹ کرنل آصف علی اعوان، میجر فیضان علی، میجر محمد سعد نعمانی، نائب صوبیدار سمیع اللہ خان، حوالدار محمد اسماعیل، لانس حوالدار محمد جمیل خان شامل ہن۔ حوالدار بابر صدیق اتے نائیک رانا محمد طاہر اسلام سنٹرل افریقن ریپبلک اچ اقوام متحدہ دے کثیر جہتی انٹیگریٹڈ سٹیبلائزیشن مشن دے نال فرائض دی انجام دہی ویلھے جام شہادت نوش کیتا ۔

LEAVE A REPLY

Please enter your comment!
Please enter your name here