آزاد حکومت ریاست جموں و کشمیر دا ڈائمنڈ جوبلی 75 واں یوم تاسیس ریاست اچ ملی جوش و جذبہ نال منایا ڳئے

0
50
کشمیر

مظفر آباد۔24اکتوبر(اے پی پی)آزاد حکومت ریاست جموں و کشمیر دا ڈائمنڈ جوبلی 75واں یوم تاسیس ریاست اچ ملی جوش و جذبہ نال منیا ڳئے جو تحریک آزادی کشمیر دے بیس کیمپ دی اے حکومت اپݨا پورا زور تحریک آزادی کشمیر دی کامیابی، آزاد خطہ اچ قانون دی عملداری اتے گڈ گورننس تے لا ݙیسی۔ 75ویں یوم تاسیس تے تاریخ اچ پہلی واری ݙینھ دی شروعات 21 توپاں دی سلامی نال تھیا، مسیتاں اچ خصوصی دعائیں منڳیاں ڳین اتے پاکستان دی سلامتی و استحکام اتے مقبوضہ کشمیر دی آزادی کیتے دعا تھئی۔ سب توں وݙی تقریب دارالحکومت مظفرآباد پریڈ گراونڈ اچ تھئی جیندے مہمان خصوصی قائم مقام صدرآزاد جموں و کشمیرچوہدری انوار الحق ہن۔انہاں پرچم کشائی وی کیتی۔ مرکزی تقریب اچ وزیر اعظم آزاد حکومت ریاست جموں وکشمیر سردار تنویر الیاس خان، سینئر موسٹ وزیر خواجہ فاروق احمد، وزراحکومت،ممبران اسمبلی، چیف سیکرٹری، انسپکٹر جنرل پولیس، سٹیشن کمانڈر، سیکرٹریز صاحبان، سول و عسکری حکام دے علاوہ شہریاں دی وݙی تعداد شریک تھئی۔ تقریب اچ آزادکشمیر پولیس، ریسکیو 1122، کمانڈوز، گرلزگائیڈ، بوائز سکاوٹس، ٹورسٹ پولیس دے چاک و چوبند دستیاں سلامی ݙتی اتے مارچ پاسٹ کیتے۔ قائمقام صدر چوہدری انوار الحق پریڈ دا معائنہ وی کیتا۔ پاکستان اتے آزادکشمیر دے قومی ترانے وڄائے ڳئے، خصوصی ملی نغمے پیش تھین۔

LEAVE A REPLY

Please enter your comment!
Please enter your name here