آئی ایم ایف یا کہیں ملک پاکستان دی جوہری صلاحیت بارے کوئی شرط کائنی لاتی، وزیرخزانہ اسحاق ڈار

0
24

اسلام آباد (اے پی پی) وفاقی وزیرخزانہ تےمحصولات سینیٹر محمد اسحاق ڈار نشابر کیتا جو بین الاقوامی مالیاتی فنڈ(آئی ایم ایف) یا کہیں ملک پاکستان دی جوہری صلاحیت بارے کوئی شرط کائنی لاتی نہ پاکستان توں کوئی مطالبہ کیتے، ، آئی ایم ایف نال سٹاف لیول معاہدے اچ دیر تکنیکی وجوہات پاروں اے۔ سنوار کوں جاری وضاحتی بیان اچ وفاقی وزیرخزانہ آکھیا جو 16 مارچ 2023 کوں سینیٹ آف پاکستان دے فلور تے آئی ایم ایف پروگرام اچ دیر دی وجہ بارے ہک سوال دے ولدے اچ انہاں دے بیان کوں سیاق و سباق توں ہٹ تے پیش کیتا ویندا پے۔ وزیرخزانہ آکھیا جو پاکستان دے جوہری پروگرام بارے انہاں دا تبصرہ ہک ساتھی سینیٹرز دے مخصوص سوال دے ولدے اچ ہئی جئیں اچ میں ایں ڳالھ تے زور ݙتا جو پاکستان کوں بغیر کہیں ٻاہرلے ڈکٹیشن دے اپݨا جوہری پروگرام ڈویلپ کرݨ دا حق اے۔ ایں بیان کوں آئی ایم ایف نال جاری مذاکرات نال نی جوڑݨا چاہیدا۔ آئی ایم ایف یا کہیں ملک پاکستان دی جوہری صلاحیت بارے کوئی شرط کائنی لاتی۔

LEAVE A REPLY

Please enter your comment!
Please enter your name here