Advertisment
Advertisment
راولپنڈی

ھک وی فوجی کوں اے حکم ہرگز نا ڈیسوں ،پاک فوج نے اعلان کر ڈیتا، امریکا تے افغانستان کوں واضح پیغام ڈے ڈیتا

Advertisment
Advertiesment

ھک وی فوجی کوں اے حکم ہرگز نا ڈیسوں ،پاک فوج نے اعلان کر ڈیتا، امریکا تے افغانستان کوں واضح پیغام ڈے ڈیتا

راوالپنڈی(سرائیکی نیوز) پاک فوج دے ترجمان میجر جنرل آصف غفور نے آکھیا ھِ کہ امریکی صدر دے بیان تے قومی قیادت موثر جواب ڈے چکی ھِ ڈونلڈ ٹرمپ دے بیان تے اساں شدید مایوسی تھئی ھِ افغانستان دی سر زمین پاکستان اچ کارروائیاں دے واسطے استعمال تھیندی رہی ھِ اساڈی ٢ لکھ توں زائد فوج افغان بارڈر دے علاقے اچ موجود ھِ افغانستان توں پاکستان اچ حملیاں دا تھریٹ موجود ھِ ایں واسطے بارڈر توں فوج کم کر تے کوئی رسک نی گھن سکدے۔ افغانستان توں تھریٹ ختم تھئی ونجے تاں اج ھی اساں ٥٠ فیصد فوج واپس کر گھینسوں۔

نجی تی وی دے پروگرام پاور پلے اچ گالھ مہاڑ کریندے ہووے پاک فوج دے ترجمان میجر جنرل آصف غفور دا آکھن ھا کہ امریکی صدر دے بیان تے اتفاق رائے نال جواب ڈیتا گئے پاکستان نے قیام امن دے واسطے بے پناہ قربانیاں ڈیتیاں ھن تے دہشت گردی دے خلاف ھک مشکل جنگ لڑی ، امریکا کوں افغانستان اچ شکست دا ذمہ دار پاکستان کوں نی کھڑا کرنا چاھیدا پاکستان اچ ایں وقت دہشت گرداں دی کوئی وی محفوظ پناہ گاہ موجود کینی ، کالعدم ٹی ٹی پی دی قیادت خود آکھ چکی ھِ کہ او افغانستان اچ موجود ھِ پر امن تے مستحکم افغانستان پاکستان دے مفاد اچ ھِ ، افغان بارڈر تے افغانستان دی طرف چیک پوسٹاں دی تعداد گھٹ ھِ جبکہ افغان بارڈر تے اساڈی نوں سو پوسٹاں ھن انہاں نے امریکی حکام نال مطالبہ کیتا ھِ کہ دہشت گرداں دی قیادت پاکستان اچ ھِ تاں انٹیلی جنس شیئرنگ ڈیتی ویسی۔اساں کارروائی کریسوں۔

میجر جنرل آصف غفور دا مزید آکھن ھا کہ اج دے پاکستان دی افواج مختلف ھِ اج دے جوان تے جنرل دے جسمانی طور تے جنگ اچ حصہ گھیدا ھِ ضرب عصب تک جیتنے آپریشن کیتے او فزیکل ھن اساں اے ایریاز کلیئر کروائے ھن ، رد الفساد انٹیلی جنس بنیاداں تے ھِ اوتھاں سو فیصد کامیابی نی ہوندی،  دہشت گردی دے خلاف جنگ اچ پاکستان اچ اپنڑیں حصے دا کم کیتا تے ایں دے سو فیصد نتائج ڈیتے، دنیا دی کوئی وی طاقت اساں تے الزام نی لا سکدی، پاکستان دی مدد دے بغیر امریکہ افغانستان اچ القاعدہ کوں شکست نی ڈے سکدا پاکستان کوں غیر مستحکم کرن اچ بھارت دا کردار ھِ  نویں دہلی پاکستان اچ دہشت گردی واسطے افغان سرزمین استعمال کریندی پئی ھِ  جیندی واضح مثال کلبھوشن یادیو دا اعترافی بیان ھِ بھارت پاکستان دے خلاف ھن وی سرگرم ھِ پاک فوج دے ترجمان دا مزید آکھن ھا کہ سی پیک ڈو قوماں دے درمیان رشتہ ھِ بلوچستان اچ امن و امان دی خرابی سی پیک دے تناظر اچ ھِ توجہ بلوچستان دی طرف ھِ ترقیاتی کم مکمل کیتے ویسن تاکہ محرومی نا رھاوے، بلوچستان اچ استحکام دے واسطے ایران دے نال رابے ھن آرمی چیف  ایران گئے تاں بارڈر توں متعلق گالھ تھئی ایران وی چاھندے کہ پاکستان اچ استحکام رھاوے، تہران نے حساس جگہ تے باڑ لاون دا کم وی شروع کر ڈیتا ھِ

میجر جنرل آصف غفور نے مزید آکھیا کہ پاکستان کستانی قوم نے ثابت کیتا ھِ کہ اساں پر عزم ہیتاور قوم ھیں قوم دے ایں جذبے دی وجہہ توں پاکستان امن دی طرف ویندا پئے ۔  سیکورٹی فورساں تے عوام دیاں قربانیاں دی وجہہ نال پاکستان اچ امن قائم کر ڈیتے لیکن خطے اچ قیام امن کیتے افغانستان اچ امن ضروری ھِ پاک فوج دا مزید آکھن ھا کہ شمالی وزیرستان آپریشن توں پہلے اے پی سی تھئی ۔ فیصلے دے بعد شمالی وزیرستان اچ آپریشن شروع کیتا گئیا ایں طرح سوات اچ دہشت گرداں دے زیادہ ٹھکانڑیاں شہر دے اندر ھن لیکن سیکورٹی فورسز نے آپریشن کرکے سوات کوں دہشت گرداں توں کلیر کیتا ، 2001 دے بعد اپنڑی افواج کوں افغان بارڈر تے بھیجن شروع کیتا ۔ ایں وقت اک فوج دی افغان سیکورٹی فورسز دے نال اساڈی بہوں چنگی کوآرڈی نیشن ھائی پاک فوج نے ضرب عضب شروع کر تے دہشت گرداں دا خاتمہ کر ڈیتا۔

Advertisment
Advertisment

Related Articles

Leave a Reply

Your email address will not be published. Required fields are marked *

Back to top button

Adblock Detected

مہربانی فرما تے اپنڑیں بروزر توں ایڈبلاک سیٹنگ توں ویب سائٹ ھٹاو تاکہ ویب سائٹ تساں تک مکمل پھج سکے