وزیر اعلی بلوچستان دے خلاف تحریک عدم اعتماد، اپوزیشن تے باغی ارکان دا اجلاس، وزیر اعظم نال ملاقات نا کرن دا فیصلہ
اجلاس دے بعد پریس کانفرنس کریندے ہووے مولانا عبدالواسع نے آکھیا کہ بلوچستان حکومت اچ شامل ڈو جماعتاں نے کرپشن دا بازار گرم کر رکھے
کوئٹہ (سرائیکی نیوز) وزیر اعلی بلوچستان ثنا اللہ زہری دے خلاف تحریک عدم اعتماد دے حوالے نال اپوزیشن تے باغی ارکان دا اجلاس اپوزیشن چیمبر اچ تھئیا جیندے اچ تحریک عدم اعتماد دے حوالے نال مشاورت کیتی گئی تے وزیر اعظم چاہد خاقان عباسی نال ملاقات نا کرن دا فیصلہ کیتا گئیا ، اجلاس اچ جان محمد جمالی ، زمرک خان اچکزئی ، طاہر محمود ، عبدالقدوس بزنجو ، سرفراز بگٹی ، مولانا سمیع نے شرکت کیتی۔
اجلاس دے بعد پریس کانفرنس کریندے ہووے مولانا عبدالواسع نے آکھیا کہ بلوچستان حکومت اچ شامل ڈو جماعتاں نے کرپشن دا بازار گرم کر رکھے وزیر اعظم شاہد خاقان عباسی نال ملاقات نا کریسوں انہاں دا آکھن ھا کہ سرفراز بگٹی کوں اختیارات حاصل نی تھئے حکمران او ڈنہیں وی یاد کرن جئیں ویلے عمران خان نے دھرنا ڈیتا ھا انہاں نے فصل الرحمن دے پیراں کوں پکڑ تے آکھیا کہ اساڈی حکومت بچائی ونجے ۔ اگر فض الرحمان نا ہوندے تاں حکومت چار سال وی نا چل سکدی ھائی ۔
سابق وزیر داخلہ سرفراز بگٹی نے دعوی کیتا ھِ کہ اج ھک بھاری بھر گھڈ وزیر استعفی ڈے ڈیسی، کارکن بلوچستان اسمبلی خالد لانگو کوکل اجلاس اچ ونجن دی تیاری کریندے پئے ھن انہاں نے آکھیا کہ نیشنل پارٹی دے مزید ٢ ارکان دی اپوزیشن دی حمایت دا امکان ھِ جیندے بعد حمایتی ارکان دی تعداد ٤١ تھئی ویسی، زمرک اچکزئی دا آکھن ھا کہ وزیر اعظم کوں مشورہ ڈیتا ھِ بلوچستان نا آون ، خاقان عباسی کوں ٤ سال اچ اساڈی یاد کیوں نی آئی۔
