کورونا وائرس دے خدشے ءچ شادی حال ، سکول ، سرحد بند کر ݙیتی گئی
کراچی ۔ پاکستان ءچ ھݨ تک ٥٥ کورونا وائرس نال متاثر تھیوݨ وی تصدیق تھئی چکی ھِ جنہاں کوں علاج کیتے داخل کر گھیدا گئے تے علاج معالجہ چلدا پئے ، سرکاری ذرائع دے مطابق ایں وائرس توں بچاو دے سانگے سندھ ءچ سکول ، شادی حال دے نال نال سرحداں کوں مکمل عارضی طور تے بند کر ݙیتا گئے تے کراچی وانگوں گنجان آباد شہار پبلک پلیس گھمݨ پھیرن دی جگہوں تے ونجن توں وی ھٹکیا ویندا پئے ، سنیما تفریحی جگہوں دے نال نال کراچی ءچ لگںݨ والے بازار وݙے پیمانے تے بند کر ݙیتے گئے ھن ۔ وزیر صحت سندھ نے آکھیا کہ اے تمام لوگوں کوں ایں وائرس توں محفوظ رکھݨ کیتے قدم چاتا گئے لوگاں کوں ھدایت کیتی کہ او بغیر ضرورت مارکیٹاں ، تے جگہ جگہ رش دی جاء تے ونجݨ توں احتیاط کرن، وائرس دے پیش نظر تھیوݨ والے سالانہ امتحان موخر کر ݙیتے گئن تے بالاں کوں گرمیاں دی چھٹیاں ݙے ݙیتیاں گئیاں ھن، کراچی دے بازاراں ءچ رش نا ہووݨ دے وانگوں ھِ لوگ گھراں ءچ محسور تھئی تے رہ گئن۔
