دیامر، رات دی چھیکڑ نامعلوم بندیاں نے ١٢ سکول تباہ کر ݙیتے

دیامر(سرائیکی نیوز) گلگت بلتستان دے ضلع دیامر ءچ رات گئے نا معلوم بندیان دی طرفوں تعلیمی اداریاں تے حملے کیتے گئے ھن نجی ٹی وی دے مطابق ڊیامر ءچ رات گئے نامعلوم بندیاں نے تعلیمی اداریاں ءچ توڑ پھوڑ کیتی تے املاک کوں بھا لا ݙیتی ، نامعلوم بندیاں نے مجموعی طور تے ١٢ تعلیمی اداریاں کوں تباہ کیتا جیندے ءچ ٢ کوں بارودی مواد نال اݙا ݙیتا گئیا پولیس نے علاقے ءچ سرچ آپریشن شروع کر ݙیتا ھِ نامعلوم بندے دی ایں حرکت دی وجوھات تاحال سامنڑیں نی آ سکی ، سکولاں کوں چلاس ، داریل تے تنگی دے علاقیاں ءچ ٹارگٹ کیتا گئیا ، شر پسندی دا منظم واقع پیش آوݨ تے آئی جی پولیس گلگت بلتستان تے فورس کمانڈر میجر جنرل ثاقب محمود چلاس پھج گئے ھن ۔ واضح رھے کہ چیف جسٹس دی طرفوں دیامر بھاشا ݙیم دی تعمیر دا حکم ݙیتا گیا ھِ جیندے کیتے سپریم کورٹ نے فنڈ وی قائم کیتا ہویا ھِ دیامر بھاشا ݙیم گلگت بلتستان دے ضلع دیامر دے نیڑے واقع ھِ تے ایں ضلع ءچ رات دے پچھلے پہر نامعلوم بندیاں نے تعلیمی اداریاں تے حملے کیتے ھن۔