حکومت پنجاب دی طرفوں فلاح و بہبوڊ دے منصوبیاں کوں یقینی بنڑاݨ کیتے اہم اقدامات

0
634

رحیم یار خان (سرائیکی نیوز۔ خدا بخش عباسی) حکومت پنجاب دی طرفوں عوامی فلاح و بہبود دے منصوبیاں دا دیرپا استعمال یقینی بنڑاون کیتے اہم اقدام، ضلعی سطح دے محکمانہ توسط دے نال عوامی بہبود دے منصوبیاں دی تیاری تے عملدرآمد کیتے کمیٹی تشکیل ݙے ݙیتی گئی ۔ ضلعی کمیٹی برائے دیرپا ترقی مقاصد و حصول ٹارگٹ دے چیئرمین ڈپٹی کمشنر سقراط امان رانا ہوسن ، کمیٹی دے مشاورتی اجلاس دی صدارت کریندے ہووے ڈپٹی کمشنر سقراط امان رانا نے آکھیا کہ عوامی ترقی تے بنیادی سہولیات دی فراہمی کیتے ایں کمیٹی دا قیام خوش آئند ھِ تے کمیٹی اچ شامل تمام محکمے خدمات دے جذبے نال سرشار تھٹی تے اپنڑیں محکمانہ توسط نال ایہو جئے قابل  عمل پلان تشکیل ݙیون جو عام عوام دی زندگیاں اچ آسانی گھن اچ آون ءچ اہمکردار ادا کرے اجلاس ءچ سی ای او ہیلتھ اتھارٹی ڈاکٹر آغا توحید احمد خان، سی ای او ایجوکیشن اتھارٹی ملک مختار احمد ، ڈپٹی ڈائریکٹر ڈویلپمنٹ چوہدری طالب حسین رندھاوا ، چیئرمین میونسپل کمیٹی کوٹ سمابہ سید محمود الحق بخاری، ایکسین پبلک ہیلتھ محمد اختر عباسی، ایکسین ہائی ویز کامران اکرم ، ایکسین بلڈنگ محمد نعیم سمیت ضلع و میونسپل کمیٹی دے چیف افسران تے تمام صوبائی محکمیاں دے افسران شریک ھن۔ کمشنر سقراط امان رانا نے خطاب کریندے ہووے آکھیا کہ حکومت پنجاب نے عوامی فلاح و بہبود دے منصوبیاں کوں دیرپا استعمال اچ گھن آوݨ کیتے کمیٹی تشکیل ڈیتی ھِ تے اے حکومت دا عوامی سہولت کیتے چنگا اقدام ھِ ایں نال تمام محکمیاں کوں عوامی بہبود کیتے اپنڑی صلاحیتاں کوں مزید بہتر تے اقدامات کرݨ دے مواقع میسر آسن ڈپٹی کمشنر نے تمام محکماں دے سربراھاواں کوں ھدایت کیتی ھِ کہ او ١٠ ݙینھ اچ محکمانہ رپورٹ تے عوامی فلاح و ترقیاتی تجاویز کوں فوکل پرسن دے کول جمع کراوا ڈیون، انہاں آکھیا کہ محکمیاں دی بہترین تجاویز تے مشتمل کتابچہ ضلعی سطح تے شائع کیتا ویسی ۔ جیندے اچ محکمانہ تجاویز دی مستقبل دی ترجیحات دا تعین کیتا ویسی ۔ ضلعی فوکل  پرسن ڈپٹی ڈائریکٹر ڈویلپمنٹ چوہدری طالب حسن رندھاوا نے بریفنگ ݙیندے ہووے ایں کمیٹی دے اغراض و مقاصد تے اہمیت بارے بریفنگ ݙیتی

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.