ترقیاتی اسکیماں کوں برق رفتاری نال مکمل کیتا ویسی تے اعلی تعمیراتی معیار تے کوئی سمجھوتا نا کیتا ویسی، میاں امتیاز احمد

رحیم یار خان (سرائیکی نیوز۔ سید وسیم شاہ جیلانی) ڈسٹرکٹ کوارڈی نیشن کمیٹی برائے ترقیاتی امور دا اجلاس ایم این اے میاں امتیاز احمد دی سربراھی اچ منعقد تھئیا ، اجلاس اچ ارکان صوبائی اسمبلی چوہدری محمد عمر جعفر ، چوہدری محمود احسن چیمہ ، ڈپٹی کمشنر سقراط امان رانا ، چیئرمین میونسپل کمیٹی کوٹ سمابہ سیاد محمود الحق بخاری سمیت دیگر متعلق اداریاں دے سربراھاواں نے شرکت کیتی اجلاس اچ ضلع ءچ جاری ترقیاتی کماں داجائزہ گھیا گئیا متعلقہ محکمیاں دے افسران نے ترقیاتی کماں دے حوالے نال رپورٹ پیش کیتی ، ایم اینڈ آر دے تحت ضلع اچ سڑکاں دی مرمت سست روی دا شکار ہوون تے ذمہ داراں دے خلاف کارروائی دا فیصلہ کیتا گئیا اجلاس اچ ڈسایا گئیا کہ ضلع ءچ سالانہ ترقیاتی پروگرام دے تحت ٢٩١ اسکمیاں جاری ھن  جیندے اچ کیڈٹ کالج خان پور دی تعمیر وی شامل ھِ وزیر اعظم ترقیاتی پراجیکٹ دے تحت ٩٢٦ اسکمیاں اچ ٦١٨ اسکمیاں آخری مراحل اچ ھن دیگر کم مکمل تھئی چکا ھِ  لوکل گورنمنٹ ڈویلپمنٹ پیکج دے تحت ١٦٧ اسکمیاں تے کم وی آخری مراحل اچ ھِ شوگر سیس فنڈز دے تحت ٧٩ اسکمیاں مکمل کیتیاں ویندیاں پئیاں ھن ، شیخ زید میڈیکل کالج دی بلڈنگ مکل تھیون دے بعد کالج دے حوالے کر ݙیتی گئی ھِ تے اوتھاں تعلیمی سلسلہ وی شروع تھئی چکا ھِ ضلع اچ  ٦ ڈگری کالج دی تعمیر وی تیزی نال جاری ھِ اجلاس توں خطاب کریندے ہووے ایم این اے میاں امتیاز احمد نے آکھیا کہ ترقیاتی اسکیماں کوں برق رفتاری نال مکمل کیتا ویسی تے اعلی تعمیراتی معیار تے کوئی سمجھوتا نا کیتا ویسی ۔ ڈپٹی کمشنر سقراط امان رانا نے ضلع اچ جاری منصوبیاں دی اہمیت و افادیت دا جائزہ گھیندے ہووے آکھیا کہ اسکیمیاں دی منصوبہ بندی تے تیاری دے سلسلے اچ گائیڈ لائنز کوں ملحوظ خاطر رکھا ونجے تے متعلقہ افسران موقعے تے موجود رہ تے جاری سکیماں دی تمعیراتی پراگریس دی نگرانی کرن انہاں آکھیا کہ ذمہ داری دا مظاہرہ نا کرن والے افسران دے خلاف کارروائی دے احکامات وی جاری کیتے ۔ اجلاس اچ ڈپٹی ڈائریکٹر ڈویلپمنٹ چوہدری طالب حسین رندھاوا نے جاری ترقیاتی منصوبیاں دی پیش رفتار بارے بریفنگ ݙیتی

Similar Posts

Leave a Reply

Your email address will not be published. Required fields are marked *