سیاست دے فیصلے پولنگ اسٹیشن اچ ہوندے ہن نا کہ عدالتاں اچ، وزیر اعظم

ڈیرہ غاذی خان. (سرائیکی نیوز۔ نعیم اختر تونسوی) وزیراعظم شاہد خاقان عباسی نے ڈیرہ غازیخان اچ تقریب نال خطاب کریندے ہوئے آکھیا کہ عوام نے 2008 اچ ووٹ دے ذریعے فیصلہ کیتا، جیندے نتیجے وچ آصف علی زرداری آڳیا ہئی، ت اوں ملک دی جیہڑی حالت کیتی ہئی، سارے لوک چنڳی طرح ت واقف ہن. وزیراعظم شاہد خاقان عباسی نے مزید آکھیا کہ اگر کہیں آدمی پاکستان دے مسائل حل کرݨ دی کوشش کیتی ھ تاں او نواز شریف ھ۔ ت سیاست دے فیصلے پولنگ اسٹیشن اچ ہوندے ہن نا کہ عدالتاں اچ، اینہہ روایت کوں ختم کرݨ دی ضرورت ہے، عوام ایندا جواب الیکشن اچ ݙیسن، 2013 وچ عوام نے زرداری کوں گھر بھیج ݙتا ت نوازشریف دے حق وچ فیصلہ کیتا ہئی، جیہڑے ترقیاتی کم انہاں پنج سالاں وچ تھئے ہن اوہ ہر پاکستانی چنڳی طرح ڄاݨڑدا ھ۔