راوالپنڈی (سرائیکی نیوز) وزیر اعظم چاہد خاقان عباسی تے چیف جسٹس ثاقب نثار دی اہم ملاقات دے بعد پاک فوج نے اہم پریس کانفرنس دا اعلان کر ݙیتا ، ڈی جی آئی ایس پی آر نے اج شام کوں پریس کانفرنس دا اعلان کیتا ھِ
ڈی جی آئی ایس پی آر میجر جنرل آصݙ غفور اج شام کوں پریس کانفرنس کریندے پئے ھن جیندے اچ قومی معاملات تے تبادلہ خیال کیتا ویسی ، ڈسایا ویندا پیا ھِ کہ پریس کانفرنس دے دوران ملک اچ جاری آپریشنز تے سیکیورٹی صورتحال تے وی آگاہی ݙیتی ویسی۔ امکان ظاہر کیتا ویندا پیا ھِ کہ ڈی جی ۔ آئی ایس پی آر دی طرفوں بریفنگ دے بعد سوال و جواب دے سیشن اچ صحافیاں دی طرفوں وزیر اعظم تے چیف جسٹس دے درمیان گزشتہ روز تھیون والی اہم ملاقات دے بارے وی سوال کیتا ویسی۔
واضح رھاوے کہ گزشتہ روز وزیر اعظم تے چیف جسٹس دے درمیان اچانک ملاقات ایں ویلے تھئی جئیں ویلے وزیر اعظم رات کوں بغیر پرٹوکول دے سپریم کورٹ پھج گئے تے اُتھاں چیف جسٹس تے وزیر اعظم دے درمیان ملاقات ݙو گھنٹے تک جاری رہی ۔ ایں ملاقات دے حوالے نال اسلام آباد اچ چہ میگوئیاں جاری ھن
