خان پور (سرائیکی نیوز۔ ذیشان انور) میونسپل کمیٹی دے اجلاس دے دوران وارڈ نمبر ١ دے کونسلر محمد انور عباسی نے اجلاس دا بائیکاٹ کریندے ہووے دھرنا ݙے ݙیتا انہاں دا آکھن ھا کہ میڈے علاقے دی تعمیر و ترقی کیتے جاری کردہ ٧ لکھ روپے دا فنڈ کیتھاں گئیا ، ٧ لکھ دے فنڈ ٧ ماہ دے اندر کھا گئے چیئرمین صاحب جواب ݙیون ۔ انہاں نے مزید آکھیا کہ میڈے علاقے دی عوام نے اپنڑاں مقدس ووٹ میکوں امانت دے طور تے ݙیتا ھا میں انہاں کوں کیا ڈساواں کہ میں اپنڑیں علاقے دی حقوق دی جنگ لڑی ھِ چیئرمین بلدیہ دا آکھن ھا کہ او آون تے میکوں جواب ݙیون میڈے علاقے دے مسائل کوں اجاگر کیوں نی کیتا ویندا پیا ، محمد انور عباسی نے اجلاس دا بائیکاٹ کر ݙیتا ھِ اجلاس چھوڑ تے چلے گئے
