سرائیکی صوبے دا قیام اساݙے منشور اچ شامل ھِ ، عائشہ گلالئی
خان پور (سرائیکی نیوز ۔ ذیشان انور ) پاکستان تحریک انصاف گلالئی گروپ دی سربراہ رکن قومی اسمبلی عائشہ گلالئی نے آکھیا ھِ کہ سرائیکی صوبہ اساڈی جماعت دے منشور اچ شامل ھِ پاکستان دے تمام صوبے زبان ثقافت تے کلچر دی بنیاد تے قائم ھن پاکستان دے استحکام دے کیتے سرائیکی صوبے دا قیام ضروری ھِ سرائیکی ایکشن کمیٹی پاکستان دے مرکزی چیئرمین راشد عزیز بھٹی نال ٹیلی فون تے گالھ مہاڑ کریندے ہووے عائشہ گلالئی نے آکھیا کہ تخت لاہور دے ظالم جابر حکمراناں سرائیکی وسیب دے عوام دے حقوق تے ڈاکے مریندے پئے ھن ۔ سرائیکی عوام کیتے روزگار دے دروازے بند ھن چولستان تھل تے دامان دے علاقیاں اچ مقامی سرائیکیاں دی زمیناں تے پناجب دے مخصوص لوگاں کوں الاٹمنٹ کیتی ویندی پئی ھِ انہاں آکھیا کہ سرائیکی عوام دے نال نال بنگلاں کوں وی نی بخشا ویندا پیا۔ سرائیکی عوام پر امن تے محب وقن ھن امیر ترین ریاست بہاول پور دے سربراہ نواب صادق خان عباسی نے اسلام تے پاکستان دی خاطر اپنڑیں ریاست پاکستان اچ ضم کر ݙیتی لیکن اج صورتحال اے ھِ کہ بھاولپور دے صحرا چولستان دے لوگ جانوراں دے نال جوہڑ تے نالیاں توں گندہ پانڑیں پیوݨ تے مجبور ھن انہاں آکھیا کہ اساں سرائیکستان صوبے کیتے بھر پور تحریک چلاون کیتے حکمت عملی بنڑائی ھِ تے سرکاری ایکشن کمیٹی دے چیئرمین راشد عزیز بھٹی دی مشاورت نال پنجھویں سرائیکی ڈویزن بہاول وپر ، ملتان ، سرگودھا ، ڈیرہ اسمعیل خان تے ڈیرہ غازی خان اچ جلسے جلوس تے ریلیاں کڈھیساں۔ جیندے اچ سرائیکی قوم پرست جماعتاں دے قائدین، دانشور، شاعر ادیب دے سماجی رھنما شامل ہوسن۔
