چیئرمین نیب دیگر چوراں تے وی ہتھ پاوون، اسفند یارولی
مینگورہ(سرائیکی نیوز) اے این پی دے مرکزی صدر اسفند یار ولی نے چیئرمین نیب کوں کٹہرے اچ کھڑا کریندے ہووے سوال کیتا ھِ کہ کیا صرف نواز شریف آف شور کمپنیاں دے مالک ھن؟ اے این پی نے مینگورہ اچ جلسہ منعقد کیتا ، مرکزی صدر اسفند یار ولی نے خطاب اچ آکھیا کہ چیئرمین نیب جواب ڈیوین کہ کیا صرف نواز شریف دی اف شور کمپنیاں ھن؟ انہاں نے مزید آکھیا کہ چیئرمین نیب ہمت ھِ تاں چوراں تے ہتھ پاوون، اے این پی رہنما دا آکھن ھا کہ سیاسی مقدمات نال سپریم کورٹ متنازعہ تھئی گئی ھِ انہاں نے دعوی کیتا کہ ھک ڈینھ قوم دے ہتھ عمران خان دے گریبان اچ ہوسن، لاڈلہ بچ ویسی لیکن آسے پاسے والیاں دا کیا تھیسی؟